18 മാസത്തെ ചുമതലയ്ക്ക് ശേഷം ക്രിസ്റ്റൽ പാലസ് മാനേജർ പാട്രിക് വിയേരയെ ക്ലബ് പുറത്താക്കി. ഈ സീസണിലെ പാലസിന്റെ ദയനീയ ഫോം ആണ് വിയേരയുടെ ജോലി പോകാൻ കാരണം. അവസാന 12 മത്സരങ്ങളിൽ വിയേരയുടെ പാലസ് വിജയിച്ചിട്ടുണ്ടായിരുന്നില്ല. 2022 ആദ്യ ദിവസം ബോൺമൗത്തിനെതിരായ ജയം ആയിരുന്നു വിയേരയുടെ കീഴിലെ അവരുടെ അവസാന വിജയം.
അടുത്തിടെ പാലസ് എഫ് എ കപ്പിൽ സതാംപ്ടണോട് തോറ്റ് പുറത്തായിരുന്നു. ഇപ്പോൾ അവർ റിലഗേഷൻ ഭീഷണിലുമാണ്. വിയേരയ്‌ക്കൊപ്പം ഒസിയാൻ റോബർട്ട്‌സ്, ക്രിസ്റ്റ്യൻ വിൽസൺ, സയ്ദ് ഐഗൗൺ എന്നിവരും ക്ലബ് വിട്ടതായി പാലസ് സ്ഥിരീകരിച്ചു. പുതിയ മാനേജർക്കായുള്ള തിരച്ചിൽ തുടരുകയാണെന്നും പാസ് അറിയിച്ഛു.
