മാഞ്ചസ്റ്റർ യുണൈറ്റഡ് താൽക്കാലിക പരിശീലകൻ ഒലെ ഗണ്ണാർ സോൾഷ്യാർ ടീമിനെ ആകെ മാറ്റി എന്ന് മാഞ്ചസ്റ്റർ യുണൈറ്റഡ് താരം ലൂക് ഷോ. പരിശീലകനായി എത്തിയിട്ട് രണ്ട് മത്സരങ്ങൾ മാത്രമെ ആയുള്ളൂ എങ്കിലും ഒലെ മാഞ്ചസ്റ്റർ യുണൈറ്റഡിൽ വലിയ മാറ്റങ്ങൾ തന്നെ കൊണ്ടു വന്നിട്ടുണ്ട്. സോൾഷ്യർ പരിശീലകനായ രണ്ട് മത്സരങ്ങളിൽ നിന്നായി എട്ടു ഗോളുകൾ ആണ് യുണൈറ്റഡ് സ്കോർ ചെയ്തത്.
മാഞ്ചസ്റ്റർ യുണൈറ്റഡ് ആരാധകർക്ക് വേണ്ടത് എന്താണെന്ന് ഒലെക്കറിയാം. അദ്ദേഹം അറ്റാക്കിങ് ഫുട്ബോൾ മാഞ്ചസ്റ്റർ യുണൈറ്റഡിലേക്ക് തിരികെ കൊണ്ടു വന്നിരിക്കുകയാണ്. ഷോ പറഞ്ഞു. ഈ ചെറിയ കാലയളവിൽ തന്നെ അദ്ദേഹം ചെയ്തത് എന്തൊക്കെ ആണെൻ പുറത്ത് നിക്കുന്ന ആർക്കും കാണാവുന്നതാണ്. താരങ്ങളും ഒലെയുടെ ഈ പുരോഗതിയെ വിലമതിക്കുന്നുണ്ട് എന്നും ഷോ പറഞ്ഞു.
ഇന്ന് പ്രീമിയർ ലീഗിൽ ബോണ്മതിനെ നേരിടാൻ ഇരിക്കുകയാണ് മാഞ്ചസ്റ്റർ യുണൈറ്റഡ്.
