ചെൽസി യുവ താരം കാലം ഹഡ്സൻ ഓഡോയി ക്ലബ്ബ്മായി പുതിയ കരാറിൽ ഒപ്പുവച്ചു. പുതിയ കരാർ പ്രകാരം 2024 വരെ താരം ചെൽസിയിൽ തുടരും. പഴയ കരാർ 2020 അവസാനിക്കാനിരിക്കെ താരം ക്ലബ്ബ് വിട്ടേക്കും എന്ന അഭ്യൂഹങ്ങൾക്ക് ഇതോടെ അവസാനമായി. നേരത്തെ തരത്തിനായി ജർമ്മൻ ചാമ്പ്യന്മാരായ ബയേൺ മ്യുണിക് തരത്തിനായി രംഗത്ത് വന്നിരുന്നെങ്കിലും തങ്ങളുടെ ഏറ്റവും പ്രധാനപ്പെട്ട യുവ താരത്തെ വിട്ട് നൽകാൻ ചെൽസി തയ്യാറായിരുന്നില്ല.
A new five-year deal for @Calteck10! 🖐
— Chelsea FC (@ChelseaFC) September 19, 2019
18 വയസുകാരനായ ഒഡോയി മൗറീസിയോ സാരി പരിശീലകനായിരിക്കെയാണ് ചെൽസി സീനിയർ ടീമിൽ അരങ്ങേറുന്നത്. പക്ഷെ അവസരങ്ങൾ ലഭിക്കാതെ വന്നതോടെ താരം ബയേണിലേക്ക് മാറാൻ ആഗ്രഹം പ്രകടിപ്പിച്ചിരുന്നതായി റിപ്പോർട്ടുകൾ വന്നിരുന്നു. പക്ഷെ ലംപാർഡ് പരിശീലകനായി വന്നതും അവസരങ്ങൾ ഉറപ്പ് നൽകിയതും താരം പുതിയ കരാർ ഒപ്പിടാൻ കാരണമായി. കാലിൽ പരിക്കേറ്റ താരം മാസങ്ങളായി പുറത്താണെങ്കിലും വൈകാതെ ടീമിൽ തിരിച്ചെത്തിയേക്കും.
ചെൽസി അക്കാദമി വഴി വളർന്നു വന്ന താരമാണ് ഒഡോയി.
