സീസണിൽ ആദ്യമായി എവെ മത്സരത്തിൽ ജയം കണ്ടു ന്യൂകാസ്റ്റിൽ യുണൈറ്റഡ്

Wasim Akram

Picsart 25 11 30 01 36 58 163
Download the Fanport app now!
Appstore Badge
Google Play Badge 1

സീസണിൽ ആദ്യമായി ഒരു എവെ മത്സരത്തിൽ ജയം കണ്ടു ന്യൂകാസ്റ്റിൽ യുണൈറ്റഡ്. ഇംഗ്ലീഷ് പ്രീമിയർ ലീഗിൽ എവർട്ടണെ ഒന്നിനെതിരെ നാലു ഗോളുകൾക്ക് ആണ് അവർ മറികടന്നത്. തുടക്കം മുതൽ ന്യൂകാസ്റ്റിൽ ആധിപത്യം കണ്ട മത്സരത്തിൽ ഒന്നാം മിനിറ്റിൽ തന്നെ അവർ മുന്നിലെത്തി. ലൂയിസ് മൈലിയുടെ പാസിൽ നിന്നു ക്ലബിന് ആയി തന്റെ ആദ്യ ഗോൾ മലിക് തിയാ കണ്ടെത്തുക ആയിരുന്നു. തുടർന്ന് 25 മത്തെ മിനിറ്റിൽ ഡാൻ ബേർണിന്റെ പാസിൽ നിന്നു ലൂയിസ് മൈലി അവർക്ക് രണ്ടാം ഗോളും നേടി നൽകി.

ആദ്യ പകുതിയുടെ അവസാന മിനിറ്റിൽ കൗണ്ടർ അറ്റാക്കിൽ നിന്നു ആന്റണി എലാങയുടെ പാസിൽ നിന്നു നിക്ക് വോൾട്ടമാഡ കൂടി ഗോൾ നേടിയതോടെ ന്യൂകാസ്റ്റിൽ ജയം ഉറപ്പിച്ചു. രണ്ടാം പകുതിയിൽ 58 മത്തെ മിനിറ്റിൽ ലൂയിസ് ഹാളിന്റെ ഉഗ്രൻ ക്രോസിൽ നിന്നു തന്റെ രണ്ടാം ഗോൾ നേടിയ മലിക് തിയാ ആണ് ന്യൂകാസ്റ്റിൽ ജയം പൂർത്തിയാക്കിയത്. ബാരി എവർട്ടണിനു ആയി നേടിയ ഗോൾ ഹാന്റ് ബോൾ കാരണം വാർ നിഷേധിച്ചു എങ്കിലും ഡ്യൂസ്ബറി-ഹാൾ 69 മത്തെ മിനിറ്റിൽ നേടിയ ഉഗ്രൻ ഗോൾ അവർക്ക് ആശ്വാസം ആയി.