ഓൾഡ് ട്രാഫോഡിൽ എതിരില്ലാത്ത 3 ഗോളുകൾക്ക് സ്പർസ് മാഞ്ചസ്റ്റർ യുണൈറ്റഡിനെ മറികടന്നപ്പോൾ പിറന്നത് ഒരു റെക്കോർഡ് കൂടിയാണ്. ജോസ് മൗറീഞ്ഞോയുടെ കരിയറിലെ ഹോം ഗ്രൗണ്ടിലെ ഏറ്റവും വലിയ തോൽവിയാണ് പോചെട്ടിനോ സമ്മാനിച്ചത്.
കരിയറിൽ ഒരിക്കൽ പോലും സ്വന്തം മൈതാനത്ത് എതിരില്ലാത്ത 3 ഗോളുകൾക്ക് മൗറീഞ്ഞോ തോറ്റിട്ടില്ല. ലുകാസ്‌ മോറയുടെ ഇരട്ട ഗോളുകൾക്ക് പുറമെ ഹാരി കെയ്ൻ നേടിയ ഗോളിന്റെയും പിൻബലത്തിലാണ് സ്പർസ് ജയം സ്വന്തമാക്കിയത്.
നിലവിൽ 13 ആം സ്ഥാനത്തിരിക്കുന്ന മാഞ്ചസ്റ്റർ യുണൈറ്റഡിന് ഇനി വരുന്ന മത്സരങ്ങൾ അതി നിർണായകമായി.
