ബ്രസീലിയൻ മിഡ്ഫീൽഡറായ ഫ്രെഡിന് കഴിഞ്ഞ സീസൺ ഓർമ്മിക്കാൻ നല്ലതൊന്നും ഇല്ലാത്ത സീസണായിരുന്നു. വൻ തുകയ്ക്ക് മാഞ്ചസ്റ്റർ യുണൈറ്റഡിൽ എത്തിയ ഫ്രഡിന് തന്റെ പുതിയ ക്ലബിൽ താളം കണ്ടെത്താനെ ആയില്ല. മൗറീനോയും ഒലെയും ഫ്രഡിന് അവസരങ്ങൾ കൊടുത്തു എങ്കിലും ഇരു പരിശീലകരുടെയും വിശ്വാസം നേടാൻ ഫ്രെഡിനായിരുന്നില്ല.
എന്നാൽ പുതിയ സീസണിൽ ഫോമിൽ എത്താൻ കഴിയുമെന്ന പ്രതീക്ഷ ഫ്രെഡ് പ്രകടിപ്പിച്ചു. അടുത്ത സീസൺ തന്റേതാകും എന്നാണ് പ്രതീക്ഷ. മാഞ്ചസ്റ്റർ യുണൈറ്റഡും പുതിയ സീസണിൽ ഫോമിൽ എത്തും. അപ്പോൾ ആ ടീമിനൊപ്പം ഉണ്ടാകണം എന്നാണ് ആഗ്രഹം. ഫ്രെഡ് പറഞ്ഞു. മാഞ്ചസ്റ്റർ യുണൈറ്റഡിൽ ഫോമൗട്ട് ആയതോടെ ബ്രസീൽ ദേശീയ ടീമിൽ നിന്നും ഫ്രെഡ് പുറത്തായിരുന്നു.
