ഫെർണാണ്ടസിന്റെ വണ്ടർ ഗോളും മാഞ്ചസ്റ്റർ യുണൈറ്റഡിന്റെ രക്ഷക്കെത്തിയില്ല, വെസ്റ്റ്ബ്രോമിനോട് സമനില

Bruno Fernandes Manchester United Westbrom
Photo: premierleague
- Advertisement -

പ്രീമിയർ ലീഗിൽ റെലെഗേഷൻ ഭീഷണി നേരിടുന്ന വെസ്റ്റ്ബ്രോമിനോട് സമനില വഴങ്ങി മാഞ്ചസ്റ്റർ യുണൈറ്റഡ്. 1-1നാണ് മാഞ്ചസ്റ്റർ യുണൈറ്റഡ് വെസ്റ്റ്ബ്രോമിനോട് സമനില വഴങ്ങിയത്. മത്സരം തുടങ്ങി 83മത്തെ സെക്കന്റിൽ തന്നെ മാഞ്ചസ്റ്റർ യുണൈറ്റഡ് മത്സരത്തിൽ പിറകിലാവുന്ന കാഴ്ചയാണ് ഇന്ന് കാണാൻ കഴിഞ്ഞത്.

ഡിയാനെയുടെ ഹെഡർ ഗോളിലാണ് വെസ്റ്റ്ബ്രോം മാഞ്ചസ്റ്റർ യുണൈറ്റഡിനെ ഞെട്ടിച്ചുകൊണ്ട് ഗോൾ നേടിയത്. എന്നാൽ ആദ്യ പകുതിയിൽ മികച്ച പ്രകടനം പുറത്തെടുക്കാൻ മാഞ്ചസ്റ്റർ യുണൈറ്റഡിന് കഴിഞ്ഞില്ലെങ്കിലും ആദ്യ പകുതി അവസാനിക്കുന്നതിന് തൊട്ട്മുൻപ് മാഞ്ചസ്റ്റർ യുണൈറ്റഡ് ഫെർണാണ്ടസിന്റെ ലോകോത്തര ഗോളിലൂടെ സമനില നേടി.

തുടർന്ന് രണ്ടാം പകുതിയിൽ ഇരു ടീമുകളും ഗോൾ നേടാൻ കിണഞ്ഞു പരിശ്രമിച്ചെങ്കിലും ഗോൾ കണ്ടെത്താനായില്ല. ഇതിനിടയിൽ മാഞ്ചസ്റ്റർ യുണൈറ്റഡിന് അനുകൂലമായി റഫറി പെനാൽറ്റി വിധിച്ചെങ്കിലും വാർ പരിശോധിച്ച് റഫറി മാഞ്ചസ്റ്റർ യുണൈറ്റഡിന് പെനാൽറ്റി നിഷേധിക്കുകയും ചെയ്തു. ജയത്തോടെ ലെസ്റ്റർ സിറ്റിയുമായുള്ള ഗോൾ വ്യത്യാസത്തിൽ മാഞ്ചസ്റ്റർ യുണൈറ്റഡ് പ്രീമിയർ ലീഗ് പോയിന്റ് പട്ടികയിൽ രണ്ടാം സ്ഥാനത്തെത്തി.

Advertisement