മാഞ്ചസ്റ്റർ യുണൈറ്റഡിലേക്ക് തന്നെ വരണം എന്ന് ഉറപ്പിച്ചിരിക്കുകയാണ് അയാക്സിന്റെ താരം ആന്റണി. യുണൈറ്റഡ് നൽകിയ 80 മില്യന്റെ ബിഡ് അയാക്സ് നിരസിച്ചതോടെ ആന്റണി ക്ലബിനോട് തന്നെ മാഞ്ചസ്റ്ററിലേക്ക് പോകാൻ അനുവദിക്കണം എന്ന് ആവശ്യപ്പെട്ടിരിക്കുകയാണ്. ഇന്ന് അയാക്സിനൊപ്പം പരിശീലനത്തിന് ഇറങ്ങാൻ താരം തയ്യാറായില്ല. അയാക്സിന്റെ അടുത്ത മത്സരത്തിലും ആന്റണി കളിക്കില്ല
ഇതോടെ അയാക്സ് താരത്തെ വിൽക്കുന്നതിനെ കുറിച്ച് ആലോചിച്ച് തുടങ്ങുകയാണ്. യുണൈറ്റഡ് ആന്റണിയെ സ്വന്തമാക്കാൻ ട്രാൻസ്ഫർ വിൻഡോയുടെ തുടക്കം മുതൽ ശ്രമിക്കുന്നുണ്ട്. 22കാരനായ അവസാന രണ്ട് വർഷമായി അയാക്സിനൊപ്പം ഉണ്ട്. കഴിഞ്ഞ സീസണിൽ 12 ഗോൾ നേടുകയും 10 അസിസ്റ്റ് സംഭാവന ചെയ്യുകയും ചെയ്തിരുന്നു. അയാക്സിൽ നിന്ന് ഇതിനകം പ്രതിരോധ താരം ലിസാൻഡ്രോയെ യുണൈറ്റഡ് സൈൻ ചെയ്തിട്ടുണ്ട്.
