പ്രീമിയർ ലീഗിൽ റെക്കോർഡുകൾ എല്ലാം മാഞ്ചസ്റ്റർ യുണൈറ്റഡിന്റെ വഴിയേ.

specialdesk

Manchester Untied Mactominay
Download the Fanport app now!
Appstore Badge
Google Play Badge 1

കഴിഞ്ഞ കുറച്ചു കാലങ്ങളായി മോശം അവസ്ഥയിലൂടെയാണ് ടീം കടന്നു പോവുന്നത് എങ്കിലും പ്രീമിയർ ലീഗ് ചരിത്രത്തിൽ ഏറ്റവും കൂടുതൽ പോയിന്റ്, ഏറ്റവും കൂടുതൽ വിജയങ്ങൾ എന്നിവയെല്ലാം മാഞ്ചസ്റ്റർ യുണൈറ്റഡിന്റെ പേരിലാണ്. ഇന്നലെ നടന്ന ബ്രെന്റ്ഫോഡിന് എതിരായ മത്സരത്തോടെ പുതിയ ഒരു റെക്കോർഡ് കൂടെ സ്വന്തം പേരിൽ ചേർത്തിരിക്കുകയാണ് മാഞ്ചസ്റ്റർ യുണൈറ്റഡ്. പ്രീമിയർ ലീഗ് ചരിത്രത്തിൽ ഏറ്റവും കൂടുതൽ എവേ മത്സരങ്ങൾ വിജയിച്ച റെക്കോർഡ് മാഞ്ചസ്റ്റർ യുണൈറ്റഡിന്റെ പേരിൽ തന്നെയാണ്, എന്നാൽ 300 എവേ മത്സരങ്ങൾ വിജയിക്കുന്ന ആദ്യ ടീമായി മാറി ചുവന്ന ചെകുത്താന്മാർ.

ഇന്നലെ ബ്രെന്റഫോഡിനെ ഒന്നിനെതിരെ മൂന്നു ഗോളുകൾക്ക് തോൽപ്പിച്ചപ്പോൾ യുണൈറ്റഡ് തങ്ങളുടെ 300മത്തെ എവേ വിജയമായിരുന്നു സ്വന്തമാക്കിയത്. 1992ൽ പ്രീമിയർ ലീഗ് തുടങ്ങിയതിന് ശേഷം ഇതുവരെ 567 പ്രീമിർ ലീഗ് എവേ മത്സരങ്ങൾ ആണ് യുണൈറ്റഡ് കളിച്ചിട്ടുള്ളത്. അതിൽ 300 എണ്ണം വിജയിച്ചപ്പോൾ 122 എണ്ണം പരാജയപ്പെടുകയും 146 മത്സരങ്ങൾ സമനിയിൽ കലാശിക്കുകയും ചെയ്തു. 964 ഗോളുകൾ അടിച്ചപ്പോൾ 618 ഗോളുകൾ യുണൈറ്റഡ് വഴങ്ങുകയും ചെയ്തു.

എവേ വിജയങ്ങളുടെ എണ്ണത്തിൽ ചെൽസിയാണ് രണ്ടാമതുള്ളത്, 259 വിജയങ്ങളാണ് ചെൽസിയുടെ പേരിൽ ഉള്ളത്. ആഴ്‌സണൽ 246 വിജയങ്ങൾ, ലിവർപൂൾ 239 വിജയങ്ങൾ, മാഞ്ചസ്റ്റർ സിറ്റി 188 വിജയങ്ങൾ – എന്നീ ടീമുകൾ ആണ് അഞ്ചുവരെയുള്ള സ്ഥാനങ്ങളിൽ ഉള്ളത്.