ഇംഗ്ലീഷ് പ്രീമിയർ ലീഗിൽ പരിക്കുകൾ മാഞ്ചസ്റ്റർ യുണൈറ്റഡിനെ വേട്ടയാടുന്നു. മസിലിന് ഏറ്റ പരിക്ക് കാരണം ലെഫ്റ്റ് ബാക്ക് ലൂക് ഷോ കുറെ നാൾ പരിക്കേറ്റു പുറത്ത് ഇരിക്കും എന്നു ദ അത്ലറ്റിക് റിപ്പോർട്ടർ ഡേവിഡ് ഒർസ്റ്റെയിൻ റിപ്പോർട്ട് ചെയ്തു. നിലവിൽ താരത്തിന്റെ പരിക്ക് പരിശോധിച്ചു വരികയാണ് എന്നും താരം ആഴ്ചകൾ പുറത്ത് പോയേക്കും മാസങ്ങൾ പുറത്ത് ഇരിക്കില്ല എന്നാണ് യുണൈറ്റഡ് പ്രതീക്ഷ എന്നും അദ്ദേഹം റിപ്പോർട്ട് ചെയ്തു.
വരുന്ന മത്സരങ്ങളിൽ നോട്ടിങ്ഹാം ഫോറസ്റ്റ്, ആഴ്‌സണൽ ടീമുകളെ നേരിടുന്ന യുണൈറ്റഡിന് 28 കാരന്റെ അഭാവം വലിയ നഷ്ടം ആണ്. യൂറോ കപ്പ് യോഗ്യത കളിക്കാൻ ഇറങ്ങുന്ന ഇംഗ്ലണ്ടിനും ഇത് തിരിച്ചടിയാവും. നിലവിൽ മറ്റൊരു ലെഫ്റ്റ് ബാക്ക് ആയ ടൈലർ മലാസിയയും പരിക്കേറ്റു പുറത്താണ്. പുതിയ സ്‌ട്രൈക്കർ റാസ്മസ് ഹൊയ്ലുണ്ട്, അമദ്, ടോം ഹീറ്റൺ തുടങ്ങിയവർ ഇതിനകം പരിക്കേറ്റു യുണൈറ്റഡ് ടീമിൽ പുറത്താണ്. 2 ദിവസം മുമ്പ് ചെൽസിയിൽ നിന്നും ടീമിൽ എത്തിയ മേസൺ മൗണ്ടിനും പരിക്കേറ്റു എന്ന കാര്യം യുണൈറ്റഡ് സ്ഥിരീകരിച്ചിരുന്നു.
