മാഞ്ചസ്റ്റർ യുണൈറ്റഡ് ലെഫ്റ്റ് ബാക്കായ ലൂക് ഷോ തിരികെയെത്താൻ ഡിസംബർ എങ്കിലും ആയേക്കും. മസിലിന് ഏറ്റ പരിക്ക് കാരണം അവസാന മത്സരത്തിൽ ലൂക് ഷോ ഇല്ലായിരുന്നു. പുതിയ റിപ്പോർട്ട് പ്രകാരം 3 മാസം എങ്കിലും താരം ചുരുങ്ങിയത് പുറത്തിരിക്കും. അവസാന കുറേ സീസണുകളായി ലൂക് ഷോ ആയിരുന്നു മാഞ്ചസ്റ്റർ യുണൈറ്റഡിന്റെ പ്രധാന ലെഫ്റ്റ് ബാക്ക്.
ലൂക് ഷോയുടെ അഭാവത്തിൽ യുണൈറ്റഡ് എങ്ങനെ പൊരുത്തപ്പെടും എന്ന് കണ്ടറിയണം. യൂറോ കപ്പ് യോഗ്യത കളിക്കാൻ ഇറങ്ങുന്ന ഇംഗ്ലണ്ടിനും ഇത് തിരിച്ചടിയാവും. യുണൈറ്റഡിന്റെ മറ്റൊരു ലെഫ്റ്റ് ബാക്ക് ആയ ടൈലർ മലാസിയയും പരിക്കേറ്റു പുറത്താണ്. പുതിയ സ്ട്രൈക്കർ റാസ്മസ് ഹൊയ്ലുണ്ട്, അമദ്, ടോം ഹീറ്റൺ, മേസൺ മൗണ്ട്, വരാനെ തുടങ്ങിയവറും ഇതിനകം പരിക്കേറ്റു യുണൈറ്റഡ് ടീമിൽ പുറത്താണ്.
