ഇംഗ്ലീഷ് പ്രീമിയർ ലീഗിൽ ഈ സീസണിൽ തങ്ങളുടെ ആദ്യ ജയം കുറിച്ച് നോട്ടിങ്ഹാം ഫോറസ്റ്റ്. ആദ്യ മത്സരത്തിൽ തോൽവി വഴങ്ങി എത്തിയ ടീമുകൾ തമ്മിലുള്ള മത്സരത്തിൽ ഷെഫീൽഡ് യുണൈറ്റഡിന് എതിരെ ഒന്നിനെതിരെ രണ്ടു ഗോളുകൾക്ക് ആണ് ഫോറസ്റ്റ് ജയം കണ്ടത്. തങ്ങളുടെ സിറ്റി ഗ്രൗണ്ടിൽ നടന്ന മത്സരത്തിൽ മൂന്നാം മിനിറ്റിൽ തന്നെ ഫോറസ്റ്റ് മുന്നിലെത്തി. സെർജ് ഓറിയറുടെ ക്രോസിൽ നിന്നു തായ്‌വോ അവോണിയിനി ശക്തമായ ഹെഡറിലൂടെ ഫോറസ്റ്റിനെ മത്സരത്തിൽ മുന്നിൽ എത്തിച്ചു.
കഴിഞ്ഞ കളിയിലും താരം ഗോൾ നേടിയിരുന്നു. നന്നായി പൊരുതിയ ഷെഫീൽഡ് രണ്ടാം പകുതിയിൽ 48 മത്തെ മിനിറ്റിൽ സമനില പിടിച്ചു. മികച്ച ഷോട്ടിലൂടെ ഗുസ്താവോ ഹാമർ ആണ് ഷെഫീൽഡിന്റെ ഗോൾ നേടിയത്. നന്നായി പൊരുതി കളിച്ച ഇരു ടീമുകളും വിജയഗോളിന് ആയി പരമാവധി പൊരുതി. തുടർന്ന് 89 മത്തെ മിനിറ്റിൽ സെർജ് ഓറിയറുടെ തന്നെ ക്രോസിൽ നിന്നു ഹെഡറിലൂടെ ഗോൾ നേടിയ പകരക്കാരനായി ഇറങ്ങിയ ക്രിസ് വുഡ് ആണ് ഫോറസ്റ്റിനു സീസണിലെ ആദ്യ ജയം സമ്മാനിച്ചത്.
