ആഴ്സണൽ മിഡ്ഫീൽഡർ മൊ എൽനെനി ക്ലബിൽ കരാർ പുതുക്കി. 2023 സീസൺ അവസാനം വരെയുള്ള കരാറാണ് താരം സൈൻ ചെയ്തത്. 2016-ൽ ബേസലിൽ നിന്ന് ആഴ്സണിൽ ചേർന്ന താരം അർട്ടേറ്റയ്ക്ക് കീഴിൽ നല്ല പ്രകടനങ്ങൾ കാഴ്ചവെച്ചിരുന്നു. 29 കാരനായ താരം ആഴ്സണലിനായി 147 മത്സരങ്ങൾ കളിക്കുകയും അഞ്ച് ഗോളുകളും 10 അസിസ്റ്റുകളും സംഭാവന ചെയ്യുകയും ചെയ്തിട്ടുണ്ട്.
ആഴ്സണൽ ക്ലബ്ബിനായി കളിക്കുന്ന ആദ്യ ഈജിപ്ഷ്യൻ താരവുമായി മോ എൽനേനി. ഈജിപ്തിനായി 93 അന്താരാഷ്ട്ര മത്സരങ്ങൾ കളിച്ചിട്ടുണ്ട്. 2016 ജനുവരിയിൽ എഫ്‌എ കപ്പിൽ ബേൺലിയ്‌ക്കെതിരായ 2-1 വിജയത്തോടെ ആയിരുന്നു എൽനേനിയുടെ ആഴ്‌സണലിലെ അരങ്ങേറ്റം. 2016/17 എഫ്‌എ കപ്പ് നേടിയ ടീമിലും 2017-ലും 2020-ലും എഫ്‌എ കമ്മ്യൂണിറ്റി ഷീൽഡ് നേടിയ ടീമിലും എൽനേനി ഉണ്ടായിരുന്നു.
