മാഞ്ചസ്റ്റർ സിറ്റി താരം കെവിൻ ഡു ബ്രെയ്‌നെ ക്ലബ്ബുമായി പുതിയ കരാർ ഒപ്പിട്ടു. പുതിയ കരാർ പ്രകാരം 2023 വരെ താരം സിറ്റിയിൽ തുടരും. ഈ സീസണിലെ പ്രീമിയർ ലീഗിലെ ഏറ്റവും മികച്ച കളിക്കാരിൽ ഒരാളായി മാറിയ താരം 2015 ലാണ് ഓക്സ്‌ബെർഗിൽ നിന്ന് സിറ്റിയിൽ എത്തുന്നത്. സിറ്റിക്കായി ഇതുവരെ 122 മത്സരങ്ങൾ കളിച്ച താരം 31 ഗോളുകൾ സ്വന്തമാക്കിയിട്ടുണ്ട്. 26 കാരനായ താരം മുൻപ് ചെൽസിക്ക് വേണ്ടിയും കളിച്ചിട്ടുണ്ട്.
സിറ്റിക്കായി ഇതുവരെ 44 അസിസ്റ്റുകളും സ്വന്തമാക്കിയ ഈ ബെൽജിയം താരത്തെ ലോകത്തിലെ തന്നെ മികച്ച മിഡ്ഫീല്ഡര്മാരിൽ ഒരാളായാണ് ഫുട്‌ബോൾ പണ്ഡിതർ വിലയിരുത്തുന്നത്. ഈ സീസണിൽ 10 അസിസ്റ്റുകളാണ്‌ താരം സിറ്റിക്കായി നേടിയത്. 6 ഗോളുകളും ഈ സീസണിൽ താരം സ്വന്തം പേരിലാക്കി. പെപ് ഗാർഡിയോളയുടെ പരിപൂർണ്ണ വിശ്വാസത്തിൽ വരും നാളുകളിലും താരം സിറ്റിക്കായി മികച്ച പ്രകടനം പുറത്തെടുത്തേക്കും എന്ന് തന്നെയാണ് സിറ്റിയുടെ പ്രതീക്ഷ.
കൂടുതൽ കായിക വാർത്തകൾക്ക് : www.facebook.com/FanportOfficial
