ഇംഗ്ലീഷ് പ്രീമിയർ ലീഗിൽ തുടരാമെന്ന ലീഡ്സിന്റെ പ്രതീക്ഷകൾക്ക് ജീവനേകി ഒരു സമനില. ഇന്ന് ബ്രൈറ്റണ് എതിരായ മത്സരത്തിൽ അവസാന നിമിഷം പിറന്ന ഒരു ഗോളിന്റെ ബലത്തിൽ 1-1 സമനില ആണ് ലീഡ്സ് നേടിയത്. ലീഡ്സിന്റെ ഹോം ഗ്രൗണ്ടിൽ നടന്ന മത്സരത്തിൽ 21ആം മിനുട്ടിൽ ഡാനി വെൽബെക്കിലൂടെ ബ്രൈറ്റൺ ലീഡ് എടുത്തു. ബിസോമയുടെ പാസിൽ നിന്നായിരുന്നു വെൽകബെക്കിന്റെ ഗോൾ.
ഈ ഗോളിന് ഇഞ്ച്വറി ടൈമിൽ ആണ് ലീഡ്സ് മറുപടി നൽകിയത്. സ്ട്രുയിജിക് ആണ് അവസാന നിമിഷം പ്രതീക്ഷ നൽകിയ ഗോൾ നേടിയത്. ഈ സമനിലയോടെ ലീഡ്സ് യുണൈറ്റഡ് 37 മത്സരങ്ങളിൽ നിന്ന് 35 പോയിന്റുമായി 17ആം സ്ഥാനത്ത് നിൽക്കുകയാണ്. ഒരു മത്സരം കുറവ് കളിച്ച ബേർൺലി 34 പോയിന്റുമായി തൊട്ടു പിറകിൽ ഉണ്ട്.
