സൗത്താപ്റ്റണിന്റെ 26 കാരനായ പോളണ്ട് പ്രതിരോധതാരം യാൻ ബെഡ്നറകിനെ ടീമിൽ എത്തിക്കാൻ വെസ്റ്റ് ഹാം യുണൈറ്റഡ്. നിലവിൽ വോൾവ്സിലേക്ക് പോവാൻ ഒരുങ്ങുന്ന ക്രെയ്ഗ് ഡോവ്സണെ വിറ്റ ശേഷം പോളണ്ട് താരവും ആയുള്ള കരാർ ഉടൻ വെസ്റ്റ് ഹാം പൂർത്തിയാക്കും എന്നാണ് സൂചന.
താരത്തിന് ആയി മറ്റ് ക്ലബുകൾ രംഗത്ത് ഉണ്ടെങ്കിലും വെസ്റ്റ് ഹാമിനു തന്നെയാണ് താരത്തെ സ്വന്തമാക്കാൻ സാധ്യത കൂടുതൽ. താരത്തെ നിലവിൽ ലോണിൽ സ്വന്തമാക്കിയ ശേഷം പിന്നീട് സ്ഥിരമായി ടീമിൽ എത്തിക്കാൻ ആണ് ഹാമേഴ്സ് ശ്രമം. അതിനുള്ള വ്യവസ്ഥയും ഈ ലോൺ കരാറിൽ ഉണ്ടാവും.
