ന്യൂ കാസിലിനെ ഏകപക്ഷീയമായ രണ്ടു ഗോളുകൾക്ക് തോൽപ്പിച്ച് ആഴ്‌സണൽ പ്രീമിയർ ലീഗിൽ മൂന്നാം സ്ഥാനത്ത് എത്തി. ലിവർപൂളിനോട് തോറ്റ ടോട്ടൻഹാം ഇതോടെ ലീഗിൽ നാലാം സ്ഥാനത്തേക്ക് പിന്തള്ളപ്പെടുകയും ചെയ്തു. ജയത്തോടെ ചാമ്പ്യൻസ് ലീഗ് യോഗ്യത പോരാട്ടത്തിൽ ആഴ്‌സണൽ മുൻപിലെത്തുകയും ചെയ്തു. തൊട്ടു പിറകിലുള്ള ടോട്ടൻഹാമിനെക്കാളും മാഞ്ചസ്റ്റർ യുണൈറ്റഡിനെക്കാളും രണ്ടു പോയിന്റിന്റെ ലീഡ് ആഴ്‌സണലിനുണ്ട്.
ഇരു പകുതികളുമായി റാംസിയും ലാക്കസറ്റെയും നേടിയ ഗോളുകളാണ് ആഴ്‌സണലിന് ജയം അനായാസമാക്കിയത്. ആദ്യ പകുതിയുടെ മുപ്പതാം മിനുട്ടിൽ ലാകസറ്റെ യുടെ പാസിൽ നിന്നാണ് റാംസി ഗോൾ നേടിയത്. തുടർന്ന് രണ്ടാം പകുതിയിൽ മനോഹരമായ ഒരു ചിപ്പിലൂടെ ലാക്കസറ്റെ ആഴ്‌സണലിന്റെ വിജയം ഉറപ്പിക്കുകയായിരുന്നു. ഇത് ആഴ്‌സണലിന്റെ തുടർച്ചയായ പത്താമത്തെ ഹോം ഗ്രൗണ്ടിലെ വിജയമായിരുന്നു.
