ബ്രസീലിയൻ ഫുട്ബോൾ ഇതിഹാസം പെല ആശുപത്രി വിട്ടു. ട്യൂമറിനും മൂത്രനാളിയിലെ അണുബാധയും കാരണം രണ്ടാഴ്ച ആയി അദ്ദേഹം സാവോപോളോ ആശുപത്രിയിൽ ചികിത്സയിലായിരുന്നു. 81-കാരനായ ഇതിഹാസ താരത്തിന്റെ ആരോഗ്യ നില തൃപ്തികരമാണെന്നും മൂത്രാശയ അണുബാധയിൽ നിന്ന് താരം മോചനം നേടി എന്നും ആശുപത്രി അധികൃതർ അറിയിച്ചു.
കോളൻ ട്യൂമറിന് ചികിത്സ അദ്ദേഹം തുടരും. കഴിഞ്ഞ വർഷം സെപ്റ്റംബറിൽ കണ്ടെത്തിയ ട്യൂമറിന് കീമോതെറാപ്പിക്ക് വേണ്ടി ഫെബ്രുവരി 13 ന് ആയിരുന്നു പെലെ ആശുപത്രിയിൽ വീണ്ടും അഡ്മിറ്റ് ആയത്.
