അമേരിക്കൻ ഫുട്ബോൾ ലീഗായ മേജർ ലീഗ് സോക്കറിന് ഇന്ന് മുതൽ തുടക്കമാകും. 24 ടീമുകളാണ് ഇത്തവണ എം എൽ എസിൽ ഉള്ളത്. എഫ് സി സിൻസിനാട്ടി ആണ് പുതുതായി എം എൽ എസിൽ ഉള്ളത്. ഈസ്റ്റേൺ കോൺഫറൻസിൽ ആകും സിൻസിനാട്ടി കളിക്കുക. രണ്ട് കോൺഫറൻസിലും സിൻസിനാട്ടി വന്നതോടെ 12 ടീമുകൾ വീതമായി.
നിലവിലെ ചാമ്പ്യന്മാരായ അറ്റ്ലാന്റ, കഴിഞ്ഞ സീസണിൽ ഗംഭീര പ്രകടനം കാഴ്ചവെച്ച ന്യൂയോർക്ക് റെഡ് ബുൾ എന്നിവർ ഈ സീസണിലും കിരീടത്തിനായി മുന്നിൽ ഉണ്ടാകും എന്നാണ് കരുതുന്നത്. ഒപ്പം ഇബ്രാഹിമോവിചിന്റെ ടീമായ എൽ എ ഗാലക്സി, വെയ്ൻ റൂണിയുടെ ടീമായ ഡി സി യുണൈറ്റഡ് എന്നിവരും വലിയ പ്രതീക്ഷകൾ ഈ സീസണിൽ വെച്ച് പുലർത്തുന്നു.
ഇന്ന് ലീഗിലെ ആദ്യ മത്സരത്തിൽ ഫിലാഡെൽഫിയ യൂണിയനും ടൊറന്റോയുമാണ് ഏറ്റുമുട്ടുന്നത്.
