“നെയ്മറെക്കാള്‍ മികച്ചത് മെസ്സി മാത്രം”

- Advertisement -

ലോക ഫുട്ബോളിൽ നിലവിൽ ബ്രസീൽ സൂപ്പർ സ്റ്റാർ നെയ്മറെക്കാൾ മികച്ച താരമായി അർജന്റീന സൂപ്പർ താരം ലയണൽ മെസ്സി മാത്രമാണ് ഉള്ളതെന്ന് മുൻ ബാഴ്‌സലോണ പ്രസിഡന്റ് സാൻഡ്രോ റോസ്സൽ. താൻ ബാഴ്‌സലോണ പ്രസിഡന്റ് ആണെങ്കിൽ നെയ്മറെ ബാഴ്‌സലോണയിൽ എത്തിക്കാൻ ശ്രമിക്കുമെന്നും റോസ്സൽ പറഞ്ഞു. നെയ്മറിന്റെ ഫുട്ബോൾ ബാഴ്‌സലോണയുടെ ഫുട്ബോളുമായി യോജിച്ചുപോവുന്ന ഒന്നാണെന്നും റോസ്സൽ പറഞ്ഞു.

നേരത്തെ 2013ൽ സാൻഡ്രോ റോസ്സൽ ബാഴ്‌സലോണ പ്രസിഡന്റായി നിൽക്കുന്ന സമയത്താണ് ബ്രസീലിയൻ ക്ലബായ സാന്റോസിൽ നിന്ന് നെയ്മർ ബാഴ്‌സലോണയിൽ എത്തുന്നത്. തുടർന്ന് 2017ൽ ലോക റെക്കോർഡ് തുകയായ 246 മില്യൺ ഡോളർ നൽകി പി.എസ്.ജി നെയ്മറെ സ്വന്തമാക്കുന്നത്.  എന്നാൽ കഴിഞ്ഞ സമ്മർ ട്രാൻസ്ഫർ വിൻഡോയിൽ നെയ്മർ ബാഴ്‌സലോണയിലേക്ക് തിരിച്ചുവന്നേക്കുമെന്ന് വാർത്തകൾ ഉണ്ടായിരുന്നു.

Advertisement