Local Sports News in Malayalam

ലിവർപൂൾ, ആഴ്‌സണൽ ഇതിഹാസതാരം റെ കെന്നഡി അന്തരിച്ചു

ലിവർപൂൾ, ആഴ്‌സണൽ ഇതിഹാസതാരമായ ഇംഗ്ലീഷ് താരം റെ കെന്നഡി അന്തരിച്ചു. വാർദ്ധക്യസഹജമായ അസുഖങ്ങളെ തുടർന്ന് 70 മത്തെ വയസ്സിൽ ആണ് അദ്ദേഹം മരണത്തിനു കീഴടങ്ങിയത്. വർഷങ്ങളായി പാർക്കിൻസൻസ് രോഗത്തിന്റെ പിടിയിൽ ആയിരുന്നു അദ്ദേഹം. ആഴ്‌സണലിൽ മുന്നേറ്റനിര താരമായി കരിയർ തുടങ്ങിയ അദ്ദേഹം 150 ൽ ഏറെ മത്സരങ്ങൾ ആഴ്‌സണലിന് ആയി കളിച്ചിട്ടുണ്ട്.

1970-71 ലെ ലീഗ്, കപ്പ് ഡബിൾ നേടിയ ടീമിൽ അംഗമായ അദ്ദേഹം ടോട്ടൻഹാമിനു എതിരെ വൈറ്റ് ഹാർട്ട് ലൈനിൽ വിജയഗോൾ നേടിയാണ് ആഴ്‌സണലിന് ലീഗ് കിരീടം നേടി നൽകിയത്. തുടർന്ന് 1974 മുതൽ 1982 വരെ ലിവർപൂളിന് ആയി കളിച്ച അദ്ദേഹം 270 ൽ ഏറെ മത്സരങ്ങൾ അവർക്ക് ആയി കളിച്ചിട്ടുണ്ട്. ഈ കാലയളവിൽ ലിവർപൂൾ 5 ലീഗ് കിരീടങ്ങളും 3 യൂറോപ്യൻ കപ്പും ആണ് നേടിയത്. ഇംഗ്ലണ്ടിന് ആയി 17 മത്സരങ്ങൾ കളിച്ച അദ്ദേഹം 3 ഗോളുകളും നേടിയിട്ടുണ്ട്.

You might also like