ലീഗ് 1ൽ ലില്ലെക്കെതിരായ മത്സരത്തിൽ ചുവപ്പ് കാർഡ് ലഭിച്ച പി.എസ്.ജി താരം നെയ്മറിന് രണ്ട് മത്സരങ്ങളിൽ നിന്ന് വിലക്ക്. ലില്ലെക്കെതിരായ മത്സരത്തിൽ ചുവപ്പ് കാർഡ് ലഭിച്ചതിന് പിന്നാലെയാണ് താരത്തിന് വിലക്ക് നേരിടേണ്ടിവന്നത്. ലീഗ് 1ൽ സ്‌ട്രാസ്ബർഗിനെതിരെയും സെയിന്റ് ഏറ്റിന്നെക്കെതിരെയുമുള്ള മത്സരങ്ങൾ ഇതോടെ നെയ്മറിന് നഷ്ട്ടമാകും. ലീഗ് 1ൽ ലില്ലെക്കെതിരായ മത്സരത്തിൽ രണ്ട് മഞ്ഞ കാർഡ് കണ്ടാണ് നെയ്മർ പുറത്തുപോയത്.
ലില്ലെ താരം തിയാഗോ ഡയലോയെ തള്ളിയതിനാണ് നെയ്മറിന് റഫറി രണ്ടാം മഞ്ഞ കാർഡും തുടർന്ന് ചുവപ്പ് കാർഡും കാണിച്ചത്. കൂടാതെ നെയ്മറുമായി വാക്കേറ്റം നടത്തിയ തിയാഗോ ഡയലോക്കും രണ്ട് മത്സരങ്ങളിൽ നിന്ന് വിലക്കുണ്ട്. മത്സരത്തിൽ തിയാഗോ ഡയലോക്കും ചുവപ്പ് കാർഡ് ലഭിച്ചിരുന്നു. മത്സരം കഴിഞ്ഞതിന് ശേഷംസ്റ്റേഡിയത്തിന്റെ ടണലിൽ വെച്ചും ഇരു താരങ്ങളും വീണ്ടും വാക്കുതർക്കത്തിൽ ഏർപ്പെടുകയും ചെയ്തിരുന്നു. മത്സരത്തിൽ ലില്ലെയോട് പരാജയപ്പെട്ട പി.എസ്.ജി ലീഗ് 1ൽ രണ്ടാം സ്ഥാനത്തേക്ക് പിന്തള്ളപ്പെട്ടിരുന്നു.
