ഫ്രഞ്ച് ലീഗ് വണ്ണിൽ അഞ്ചാമതുള്ള റെണയെസിനെ എതിരില്ലാത്ത ഒരു ഗോളിന് മറികടന്നു പാരീസ് സെന്റ് ജർമൻ. ജയത്തോടെ ഒന്നാം സ്ഥാനത്തുള്ള തങ്ങളുടെ മുൻതൂക്കം 16 പോയിന്റുകൾ ആയി ഉയർത്താൻ പി.എസ്.ജിക്ക് ആയി. മത്സരത്തിൽ പന്ത് കൈവശം വക്കുന്നതിൽ വലിയ മുൻതൂക്കം പി.എസ്.ജി നടത്തിയെങ്കിലും അവർക്ക് വലിയ അവസരങ്ങൾ ഒന്നും തുറക്കാൻ ആയില്ല.
സമനില എന്നു ഉറപ്പിച്ച മത്സരത്തിൽ ഇഞ്ച്വറി സമയത്ത് ആണ് വിജയ ഗോൾ വന്നത്. 93 മത്തെ മിനിറ്റിൽ ഒരു പ്രത്യാക്രമണത്തിൽ ലയണൽ മെസ്സി നൽകിയ പാസിൽ നിന്നു ഗോൾ കണ്ടത്തിയ കിലിയൻ എംബപ്പെ പി.എസ്.ജി ജയം ഉറപ്പിക്കുക ആയിരുന്നു. ചാമ്പ്യൻസ് ലീഗിൽ റയൽ മാഡ്രിഡും ആയുള്ള മത്സരം അടുത്ത് വരുന്നതിനാൽ ഈ ജയം പി.എസ്.ജിക്ക് ആത്മവിശ്വാസം പകരും എന്നുറപ്പാണ്.
Download the Fanport app now!
