സ്പാനിഷ് ലാ ലീഗയിൽ തരം താഴ്ത്തൽ ഭീഷണി നേരിടുന്ന വലൻസിയക്ക് ഒടുവിൽ ജയം. ലീഗിൽ തരം താഴ്ത്തൽ ഉറപ്പിച്ച അവസാന സ്ഥാനക്കാർ ആയ എൽചെക്ക് എതിരെ എതിരില്ലാത്ത രണ്ടു ഗോളുകൾക്ക് ആണ് വലൻസിയ ജയം കണ്ടത്. തുടർ പരാജയങ്ങൾ നേരിട്ട വലൻസിയക്ക് ഇത് വിലമതിക്കാൻ ആവാത്ത ജയമാണ്. ആദ്യ പകുതിയിൽ ആണ് വലൻസിയ രണ്ടു ഗോളുകളും നേടിയത്.
മത്സരത്തിൽ 19 മത്തെ മിനിറ്റിൽ എഡിസൺ കവാനിയുടെ ത്രൂ ബോളിൽ നിന്നു സാമുവൽ ലിനോ ആണ് വലൻസിയക്ക് ആദ്യ ഗോൾ സമ്മാനിച്ചത്. തുടർന്ന് 42 മത്തെ മിനിറ്റിൽ ഗോൺസാല വെർദുവിന്റെ സെൽഫ്‌ ഗോൾ വലൻസിയയുടെ ജയം ഉറപ്പിക്കുക ആയിരുന്നു. ജയത്തോടെ നിലവിൽ 30 കളികളിൽ നിന്നു 30 പോയിന്റുകൾ ഉള്ള വലൻസിയ 18 സ്ഥാനത്ത് ആണ്, ഇനിയുള്ള 8 കളികളിൽ നിന്നു മരണക്കളി കളിച്ചു തരം താഴ്ത്തൽ ഒഴിവാക്കാൻ ആവും അവരുടെ ശ്രമം.
