ജോർജിയൻ കീപ്പർക്ക് കരാർ നീട്ടി നൽകി വലൻസിയ

Nihal Basheer

20220919 191110
Download the Fanport app now!
Appstore Badge
Google Play Badge 1

യുവതാരം ജോർജി മമർദാഷ്വിലിക്ക് പുതിയ കരാർ വലൻസിയ. നിലവിൽ ടീമിന്റെ ഒന്നാം കീപ്പർ ആണ് താരം. ആറടി ആറിഞ്ചുകാരൻ കഴിഞ്ഞ സീസൺ മുതൽ മികച്ച പ്രകടനമാണ് പോസ്റ്റിന് കീഴിൽ കാഴ്ച്ച വെക്കുന്നത്. നിലവിലെ കരാർ 2024ഓടെ അവസാനിക്കാൻ ഇരിക്കെയാണ് വലൻസിയ താരത്തിന് പുതിയ കരാർ നൽകിയിരിക്കുന്നത്. ഇതോടെ 2027 വരെ ടീമിൽ തുടരാൻ താരത്തിനാവും.

ഇരുപത്തിയൊന്നുകാരനായ താരം ഇതുവരെ ഇരുപതിനാലോളം മത്സരങ്ങളിൽ ടീമിനായി ഇറങ്ങി. തന്റെ മികച്ച പ്രകടനത്തോടെ കഴിഞ്ഞ സീസണിൽ ഒന്നാം കീപ്പർ ആയിരുന്ന സില്ലെസണെ മറികടന്ന് പോസ്റ്റിൽ കീഴിൽ തന്റെ സ്ഥാനം ഉറപ്പിക്കാൻ മമർദാഷ്വിലിക്കായിരുന്നു. ജോർജിയയിൽ നിന്നും ലോണിൽ എത്തിയിരുന്ന താരത്തെ പിന്നീട് വലൻസിയ സ്വന്തമാക്കുകയായിരുന്നു. ജോർജിയ ദേശിയ ടീമിന്റെ ജേഴ്‌സിയും താരം അണിഞ്ഞിട്ടുണ്ട്. ഈ സീസൺ മുതൽ ടീമിന്റെ ഒന്നാം കീപ്പർ ആയിമാറിയ താരത്തെ ദീർഘകാലം ടീമിൽ നിലനിർത്താനാണ് വലൻസിയയുടെ തീരുമാനം.