ഇന്ന് നടന്ന വാശിയേറിയ ലാലിഗ ഏറ്റുമുട്ടലിൽ റയൽ മാഡ്രിഡ് സെവിയ്യയെ 2-1ന് തോൽപ്പിച്ചു. ഈ വിജയം റയൽ മാഡ്രിഡിന് രണ്ടാം സ്ഥാനം ഏതാണ്ട് ഉറപ്പിച്ചു കൊടുക്കുകയാണ്. കളി തുടങ്ങി മൂന്നാം മിനിറ്റിൽ സെവിയ്യയുടെ മിർ നേടിയ ഗോളിൽ ലീഡ് എടുത്തതായിരുന്നു. അവിടെ നിന്ന് റോഡ്രിഗോ ആണ് റയൽ മാഡ്രിഡിനെ വിജയത്തിലേക്ക് എത്തിച്ചത്.
29-ാം മിനിറ്റിൽ ബ്രസീലിയൻ താരം റോഡ്രിഗോ ഒരു മനോഹര ഫ്രീകിക്കിലൂടെ റയൽ മാഡ്രിഡിന് സമനാ നൽകി. 69-ാം മിനിറ്റിൽ റോഡ്രിഗോ തന്നെ റയൽ മാഡ്രിഡിനെ മുന്നിലെത്തിച്ച് വിജയം ഉറപ്പിക്കുകയും ചെയ്തു. ഈ വിജയത്തോടെ 77 പോയിന്റുമായി റയൽ മാഡ്രിഡ് ലാലിഗയിൽ രണ്ടാം സ്ഥാനത്താണ്. സീസണിൽ ഒരു മത്സരം മാത്രം ബാക്കി നിൽക്കെ ഒരു വിജയം കൂടെ നേടിയാൽ റയലിന്റെ രണ്ടാം സ്ഥാനം ഉറപ്പാകും.
