ബാഴ്‌സലോണയുടെ കഴിഞ്ഞ സീസണിലെ മോസ്റ്റ് വാല്യുബിൾ പ്ലയർ (എം.വി.പി) ആയി പെഡ്രി ഗോണ്സാലസ് തെരഞ്ഞെടുക്കപ്പെട്ടു. ലോകത്തെമ്പാടുമുള്ള ‘കൂളെഴ്സി’ നിടയിൽ കഴിഞ്ഞ ഒരാഴ്‌ചയായി നടത്തിയ വോട്ടെടുപ്പിലൂടെ ആണ് ടീമിലെ ഏറ്റവും മികച്ച താരമായി പെഡ്രി തെരഞ്ഞെടുക്കപ്പെട്ടത്. ആകെ വോട്ട് ചെയ്തതിന്റെ മൂന്നിൽ ഒന്നും നേടിയാണ് പെഡ്രി ഈ നേട്ടം കരസ്ഥമാക്കിയത്.
പരിക്ക് മൂലം നിരവധി മത്സരങ്ങൾ നഷ്ടമായെങ്കിലും കഴിഞ്ഞ സീസണിൽ ലീഗിൽ ആദ്യം കിതച്ചും പിന്നെ കുതിച്ചും ഓടിയ ബാഴ്‌സയുടെ എഞ്ചിൻ ആയിരുന്ന പെഡ്രിക്ക് അഞ്ചു ഗോളും ഒരു അസിസ്റ്റും നേടാനായിരുന്നു. വോട്ടിങ്ങിൽ ഉറുഗ്വേ പ്രതിരോധ താരം അറോഹോ രണ്ടാമത് എത്തി. നേരത്തെ സെവിയ്യക്കെതിരെ പെഡ്രി നേടിയ ഗോൾ സീസണിലെ ഏറ്റവും മികച്ച ഗോൾ ആയി ലാലിഗ തിരഞ്ഞെടുത്തിരുന്നു.
Download the Fanport app now!
