ബ്രസീൽ താരം നെയ്മർ ജൂനിയർ ബാഴ്സലോണയിൽ നിന്ന് പി എസ് ജി യിൽ ചേരാൻ തീരുമാനിച്ചത് വലിയ മണ്ടത്തരമായിരുന്നെന്ന് ബ്രസീൽ ഇതിഹാസവും മുൻ ബാഴ്സലോണ താരവുമായ റിവാൾഡോ. നെയ്മർ സ്പാനിഷ് ഫുട്‌ബോളിലേക്ക് മടങ്ങി എത്തുമെന്ന പ്രത്യാശ പ്രകടിപ്പിച്ച റിവാൾഡോ അത് റയൽ മാഡ്രിഡിലേക് ആണെങ്കിലും പ്രശ്നമില്ല എന്ന നിലപാടുകാരനാണ്.
2017 ലാണ് 222 മില്യൺ യൂറോയുടെ കരാറിൽ താരം ഫ്രഞ്ച് തലസ്ഥാനത്ത് എത്തുന്നത്. പക്ഷെ പരിക്കുകളും മറ്റും താരത്തെ ഏറെ അലട്ടി. കൂടാതെ ചാമ്പ്യൻസ് ലീഗ് ലക്ഷ്യം വച്ച് പണം ചിലവാക്കിയ പി എസ് ജി പക്ഷെ പിന്നീടുള്ള 2 സീസണിലും ചാമ്പ്യൻസ് ലീഗ് ക്വാർട്ടർ ഫൈനലിൽ പുറത്തായി. നെയ്മർ വലിയ പിഴവാണ് വരുത്തിയത്, അയാൾ അത് തിരിച്ചറിയും എന്നാണ് പ്രതീക്ഷ എന്നാണ് റിവാൾഡോ പറഞ്ഞത്.
