ലാലിഗയിൽ ആദ്യമായി ഒരു ചൈനീസ് താരം സ്കോർ ചെയ്തു. ഇന്ന് എസ്പാൻയോളിനു വേണ്ടി റയോ വല്ലഡോയിഡിനെതിരെ ആണ് ചൈനീസ് ഫോർവേഡ് വു ലീ ഗോൾ നേടിയത്. ഇതുവരെ ഒരു ചൈനീസ് താരവും ലാലിഗയിൽ സ്കോർ ചെയ്തിരുന്നില്ല. ജനുവരിയിൽ ആണ് വു ലീ എസ്പാൻയോളുമായി കരാറിൽ എത്തിയത്. ലീയുയ്യെ അഞ്ചാം ലീഗ് മത്സരം മാത്രമായിരുന്നു ഇത്.
ഇന്നത്തെ മത്സരം ഒന്നിനെതിരെ മൂന്നു ഗോളുകൾക്ക് എസ്പാൻയോൾ വിജയിച്ചു. ഇഗ്ലെഷിയസും ഹെർമോസോയുമാണ് മത്സരത്തിലെ മറ്റു രണ്ടു ഗോളുകൾ എസ്പാൻയോളിനായി നേടിയത്. ഈ വിജയം എസ്പാൻയോളിനെ ലീഗിൽ പതിനൊന്നാം സ്ഥാനത്ത് എത്തിച്ചു.
