റയൽ മാഡ്രിഡിൽ പുതുതായി എത്തിയ ഹസാർഡ് 23ആം നമ്പർ ജേഴ്സി ആകും അണിയുക. താരം മുമ്പ് ചെൽസിയിൽ 10ആം നമ്പർ ജേഴ്സി ആയിരുന്നു അണിഞ്ഞിരുന്നത്. എന്നാൽ റയൽ മാഡ്രിഡിൽ മോഡ്രിചിന്റെ നമ്പറാണത്. അതുകൊണ്ട് 23ആം നമ്പർ തിരഞ്ഞെടുക്കാനാണ് ഹസാർഡ് തീരുമാനിച്ചിരിക്കുന്നത്.
ബാസ്കറ്റ്ബോൾ ഇതിഹാസമായ ജോർദാനോടുള്ള സ്നേഹത്തിന്റെ പേരിലാണ് ഹസാർഡ് 23ആം നമ്പർ ജേഴ്സി അണിയുന്നത്. മൈക്കിൾ ജോർദാൻ ചിക്കാഗോ ബുൾസിനൊപ്പം അണിഞ്ഞിരുന്ന ജേഴ്സിയാണ് അത്. ഹസാർഡിന്റെ പ്രിയപ്പെട്ട താരമാണ് ജോർദാൻ. മുമ്പ് റയൽ മാഡ്രിഡിൽ ഡേവിഡ് ബെക്കാമും 23ആം ജേഴ്സി അണിഞ്ഞിട്ടുണ്ട്.
