ഇന്നലെ നടന്ന റയൽ മാഡ്രിഡ്, വിയ്യറയൽ സ്പാനിഷ് ലാ ലീഗ മത്സര ശേഷം റയൽ താരം ഫെഡെ വാൽവെർഡേ തന്നെ തല്ലിയ വിഷയത്തിൽ പ്രതികരണവും ആയി വിയ്യറയൽ താരം അലക്‌സ് ബയെന. സാമൂഹിക മാധ്യമത്തിൽ ആണ് താരം പ്രതികരണം നടത്തിയത്. സാന്റിയാഗോ ബെർണബ്യുവിൽ നേടിയ മികച്ച വിജയത്തിൽ സന്തോഷം രേഖപ്പെടുത്തിയ താരം തനിക്ക് നേരിട്ട ആക്രമണത്തിൽ സങ്കടവും രേഖപ്പെടുത്തി.
അതേസമയം താൻ പറഞ്ഞു എന്നു പറയുന്ന കാര്യം അത്ഭുതപ്പെടുത്തുന്നത് ആണെന്ന് പറഞ്ഞ താരം താൻ അത്തരം കാര്യം പറഞ്ഞു എന്നു പറയുന്നത് കള്ളം ആണെന്നും കൂട്ടിച്ചേർത്തു. നേരത്തെ ബയെന വാൽവെർഡേയുടെ കുഞ്ഞിനെ അപമാനിച്ചു എന്നും ഇതിന്റെ പ്രതികരണം ആണ് വാൽവെർഡേയിൽ നിന്നു ഉണ്ടായത് എന്നും വാർത്തകൾ ഉണ്ടായിരുന്നു. നിലവിൽ ഈ ആക്രമണത്തിന്റെ പുറത്ത് പോലീസ് അന്വേഷണം നടക്കുന്നുണ്ട്.
