ആവേശകരമായ മത്സരത്തിൽ അത്ലറ്റികോ മാഡ്രിഡിനെ സമനിലയിൽ തളച്ച് വലൻസിയ. ഒരു ഗോളിന് പിറകിൽ നിന്നതിനു ശേഷമാണു വലൻസിയ അത്ലറ്റികോ മാഡ്രിഡിനെ സമനിലയിൽ തളച്ചത്. മത്സരത്തിൽ രണ്ടു ഗോൾ മാത്രമാണ് പിറന്നതെങ്കിലും കാണികൾക്ക് മികച്ച വിരുന്നായിരുന്നു മത്സരം.
അന്റോണിയോ ഗ്രീസ്മാന്റെ മികച്ചൊരു പാസിൽ നിന്ന് കോറിയ ആണ് അത്ലറ്റികോ മാഡ്രിഡിന്റെ ഗോൾ നേടിയത്. ഒരു ഗോൾ നേടിയതോടെ മത്സരത്തിൽ ആധിപത്യം നേടിയ അത്ലറ്റികോ കോസ്റ്റയിലൂടെ പലതവണ ഗോളിന് അടുത്തെത്തിയെങ്കിലും ഗോൾ മാത്രം പിറന്നില്ല. എന്നാൽ രണ്ടാം പകുതിയിൽ മികച്ച പ്രകടനത്തോടെ മത്സരം തുടങ്ങിയ വലൻസിയ 56ആം മിനുട്ടിൽ സമനില പിടിച്ചു. വാസിന്റെ മനോഹരമായ പാസിൽ നിന്നാണ് റോഡ്രിഗോയിലൂടെ വലൻസിയ സമനില പിടിച്ചെടുത്തത്.
തുടർന്ന് മത്സര അവസാനം വരെ വലൻസിയയുടെ ആധിപത്യം മത്സരത്തിൽ കണ്ടെങ്കിലും ജയിക്കാനാവശ്യമായ ഗോൾ കണ്ടെത്താൻ അവർക്കായില്ല.
