ലാ ലീഗയിൽ സ്വപ്‍ന അരങ്ങേറ്റം നടത്തി ആന്ദ്രേ സിൽവ, സെവിയ്യക്ക് മികച്ച ജയം

Staff Reporter

Download the Fanport app now!
Appstore Badge
Google Play Badge 1

എ.സി മിലാനിൽ നിന്ന് ലോണിൽ സെവിയ്യയിൽ എത്തിയ ആന്ദ്രേ സിൽവ ഹാട്രിക്കോടെ ലാ ലീഗയിലെ തന്റെ അരങ്ങേറ്റം അവിസ്മരണീയമാക്കി. സിൽവയുടെ ഹാട്രിക്കിന്റെ പിൻബലത്തിൽ റയോ വയോകാനോക്കെതിരെ സെവിയ്യക്ക് മികച്ച ജയം. ഒന്നിനെതിരെ നാല് ഗോളുകൾക്കാണ് സെവിയ്യ ജയം സ്വന്തമാക്കിയത്.

മത്സരത്തിന്റെ തുടക്കത്തിൽ വസ്‌കസിലൂടെയാണ് സെവിയ്യ ആദ്യ ഗോൾ കണ്ടെത്തിയത്. തുടർന്ന് 32,46,80 മിനുട്ടുകളിലാണ് ആന്ദ്രേ സിൽവ തന്റെ ഹാട്രിക് പൂർത്തിയാക്കിയത്. മത്സരം അവസാനിക്കാൻ 6 മിനിറ്റ് ശേഷിക്കെ റയോ ഒരു ഗോൾ മടക്കിയെങ്കിലും സെവിയ്യ തങ്ങളുടെ സീസണിലെ ആദ്യ മത്സരത്തിൽ മികച്ച ജയം സ്വന്തമാക്കുകയായിരുന്നു.

കഴിഞ്ഞ സീസണിൽ 24 മത്സരങ്ങൾ കളിച്ച സിൽവ നേടിയത് വെറും രണ്ടു ഗോളായിരുന്നു. പുതിയ സീസണിലെ ആദ്യ 45 മിനുട്ടിൽ തന്നെ കഴിഞ്ഞ സീസണിലെ നേട്ടത്തിനൊപ്പമെത്താനും താരത്തിനായി.