കേരള പ്രീമിയർ ലീഗിൽ ഈ സീസണിൽ ഫൈനൽ ഉറപ്പിക്കുന്ന ആദ്യ ടീമായി കേരള യുണൈറ്റഡ് മാറി. ഇന്ന് വയനാട് കൽപ്പറ്റയിൽ നടന്ന രണ്ടാം പാദ സെമി ഫൈനലിൽ വയനാട് യുണൈറ്റഡിനോട് പരാജയപ്പെട്ടു എങ്കിലും ആദ്യ പാദത്തിൽ വലിയ വിജയം കേരള യുണൈറ്റഡിന് തുണയായി. ഇന്ന് 1-0നാണ് വയനാട് യുണൈറ്റഡ് വിജയിച്ചത്. ആദ്യ പാദത്തിൽ കേരള യുണൈറ്റഡ് 3-0ന് വിജയിച്ചിരുന്നു. അഗ്രിഗേറ്റ് സ്കോർ 3-1ന് കേരള യുണൈറ്റഡ് ഫൈനലിലേക്ക് മുന്നേറി.
ആദ്യ കേരള പ്രീമിയർ ലീഗ് ട്രോഫി ലക്ഷ്യമിടുന്ന കേരള യുണൈറ്റഡിന്റെ എതിരാളികൾ ആരാകും എന്ന് നാളെ അറിയാൻ ആകും. നാളെ രണ്ടാം സെമിയിൽ ഗോകുലം കേരളയും കോവളം എഫ് സിയും തമ്മിൽ ഏറ്റുമുട്ടും. ഈ സെമിയുടെ ആദ്യ പാദത്തിൽ ഗോകുലം കേരള 1-0ന് വിജയിച്ചിരുന്നു.
