കേരള പ്രീമിയർ ലീഗ്, സായ് കൊല്ലവും കേരള ബ്ലാസ്റ്റേഴ്സിനെ തോൽപ്പിച്ചു

കേരള പ്രീമിയർ ലീഗിലെ കേരള ബ്ലാസ്റ്റേഴ്സിന്റെ ദയനീയ ഫോം തുടരുന്നു. ഗ്രൂപ്പ് ബിയിൽ ഇന്ന് നടന്ന മത്സരത്തിൽ സായ് കൊല്ലം ആണ് കേരള ബ്ലാസ്റ്റേഴ്സ് റിസേർവ്സിനെ പരാജയപ്പെടുത്തി. ഒന്നിനെതിരെ രണ്ടു ഗോളുകൾക്ക് ആയിരുന്നു സായ് കൊല്ലത്തിന്റെ വിജയം. ആദ്യ പകുതിയിൽ 39ആം മിനുട്ടിൽ ശ്രീകുട്ടനിലൂടെ കേരള ബ്ലാസ്റ്റേഴ്സ് ലീഡ് എടുത്തു. കളിയുടെ അവസാന നിമിഷങ്ങളിലാണ് കേരള ബ്ലാസ്റ്റേഴ്സ് കളി കൈവിട്ടത്.

79ആം മിനുട്ടിൽ ഷിജിൻ ഒരു പെനാൾട്ടിയിലൂടെ സായ്ക്ക് സമനില നൽകി‌. പിന്നാലെ 85ആം മിനുട്ടിൽ ഷാഹിർ വിജയ ഗോളും നേടി. സായിയുടെ ഈ സീസണിലെ മൂന്നാം വിജയം മാത്രമാണിത്. 9 മത്സരങ്ങളിൽ 11 പോയിന്റ് ഉള്ള സായ് കൊല്ലം അഞ്ചാം സ്ഥാനത്താണ് ഉള്ളത്‌. കേരള ബ്ലാസ്റ്റേഴ്സ് അവസാന സ്ഥാനത്താണ്. കളിച്ച എട്ട് മത്സരങ്ങളിൽ ഏഴും ബ്ലാസ്റ്റേഴ്സ് പരാജയപ്പെട്ടു.