കേരള പ്രീമിയർ ലീഗ്; വയനാട് യുണൈറ്റഡിന് വിജയം

കേരള പ്രീമിയർ ലീഗിൽ ഇന്ന് നടന്ന ഗ്രൂപ്പ് എ പോരാട്ടത്തിൽ വയനാട് യുണൈറ്റഡിന് വിജയം. ഇന്ന് പറപ്പൂർ എഫ് സിയെ നേരിട്ട വയനാട് യുണൈറ്റഡ് ഒന്നിനെതിരെ രണ്ടു ഗോളുകൾക്കാണ് വിജയിച്ചത്. 42ആം മിനുട്ടിൽ അരുൺ ലാൽ ആണ് വയനാടിന് ലീഡ് നൽകിയത്. 51ആം മിനുട്ടിൽ നെറ്റോ ബെന്നി ലീഡ് ഇരട്ടിയാക്കി. 66ആം മിനുട്ടിൽ ഫ്രാങ്ക് ഫിഫി ആണ് പറപ്പൂരിനായി ആശ്വാസ ഗോൾ നേടിയത്‌. നെറ്റോ ബെന്നി ആണ് മാൻ ഓഫ് ദി മാച്ച്.

ലീഗിലെ വയനാട് യുണൈറ്റഡിന്റെ ആദ്യ വിജയം ആണിത്.