എഫ് സി ഗോവയുടെ താരം വിക്ടർ റോഡ്രിഗസ് ഇനി ഈ സീസണിൽ കളിക്കില്ല. മോഹൻ ബഗാൻ സൂപ്പർ ജയന്റിനെതിരെ വലതുകാലിന് പരിക്കേറ്റതാണ് റോഡ്രിഗസിന് വിനയായത്. 2023-24 സീസണിന്റെ ശേഷിക്കുന്ന മത്സരങ്ങൾ താരത്തിന് നഷ്ടമാകും എന്ന് ക്ലബ് അറിയിച്ചു.
“പ്രാഥമിക കണ്ടെത്തലുകൾ സൂചിപ്പിക്കുന്നത് അവന്റെ പൂർണ്ണമായ ആരോഗ്യത്തിലേക്ക് തിരികെ വരാൻ നീണ്ട ഒരു കാലഘട്ടം ആവശ്യമാണ്. നിർഭാഗ്യവശാൽ, ഈ പരിക്ക് 2023-24 സീസണിന്റെ ശേഷിക്കുന്ന സീസണിൽ അദ്ദേഹത്തെ ഒഴിവാക്കും, ”ക്ലബ് പ്രസ്താവനയിൽ പറഞ്ഞു.
ഈ സീസണിൽ ഗോവക്ക് ആയി ഒമ്പത് മത്സരങ്ങളിൽ നിന്ന് മൂന്ന് ഗോളുകളും മൂന്ന് അസിസ്റ്റുകളും റോഡ്രിഗസ് സംഭാവന നൽകിയിരുന്നു.
