ഇന്ത്യൻ സൂപ്പർ ലീഗിൽ ഇന്ന് പഞ്ചാബ് എഫ് സിയെ നേരിട്ട കേരള ബ്ലാസ്റ്റേഴ്സ് എതിരില്ലാത്ത ഒരു ഗോളിന് വിജയിച്ചു. പരിക്ക് കാരണം അദ്രിയാൻ ലൂണയും സസ്പെൻഷൻ കാരണം ഇവാൻ ടച്ച് ലൈനിലും ഇല്ലാതിരുന്നിട്ടും അനായാസം വിജയിക്കാൻ കേരള ബ്ലാസ്റ്റേഴ്സിനായി. ഇന്ന് ആദ്യ പകുതിയിൽ അധികം അവസരങ്ങൾ കേരള ബ്ലാസ്റ്റേഴ്സ് സൃഷ്ടിച്ചിരുന്നില്ല.
രണ്ടാം പകുതിയുടെ തുടക്കത്തിൽ ഐമനെ വീഴ്ത്തിയതിന് ലഭിച്ച ഒരു പെനാൾട്ടിയിലൂടെ കേരള ബ്ലാസ്റ്റേഴ്സ് ലീഡ് എടുത്തു. ദിമി എടുത്ത പെനാൾട്ടി ലക്ഷ്യത്തിൽ തന്നെ പതിച്ചു. ദിമിയുടെ സീസണിലെ അഞ്ചാം ഗോളായിരുന്നു ഇത്‌. ഇതിനു ശേഷം കൂടുതൽ ആക്രമിച്ചു കളിച്ചു എങ്കിലും ബ്ലാസ്റ്റേഴ്സിന് രണ്ടാം ഗോൾ നേടാൻ ആയില്ല. പ്രിതത്തിന് ഒരു നല്ല അവസരം ലഭിച്ചെങ്കിലും ഷോട്ട് ഗോൾ കീപ്പർ സേവും ചെയ്തു. പോസ്റ്റും ബ്ലാസ്റ്റേഴ്സിനെ ഗോളിൽ നിന്ന് തടഞ്ഞു.
ഈ വിജയത്തോടെ കേരള ബ്ലാസ്റ്റേഴ്സ് 10 മത്സരങ്ങളിൽ നിന്ന് 20 പോയിന്റുമായി ലീഗിൽ രണ്ടാമത് നിൽക്കുകയാണ്. പഞ്ചാബ് 5 പോയിന്റുമായി 11ആം സ്ഥാനത്താണ്‌.
