ഇന്ന് കൊച്ചിയിൽ നടക്കുന്ന കേരള ബ്ലാസ്റ്റേഴ്സ് ഒഡീഷ എഫ് സി പോരാട്ടം ആദ്യ പകുതിക്ക് പിരിയുമ്പോൾ ഒഡീഷ ഒരു ഗോളിന് മുന്നിൽ നിൽക്കുന്നു. ആദ്യ പകുതിയിൽ ഇരു ടീമുകളും അറ്റാക്കിംഗ് ഫുട്ബോൾ ആണ് കളിച്ചത്. രണ്ട് ടീമിനും നല്ല അവസരങ്ങളും ലഭിച്ചു. 15ആം മിനുട്ടിൽ ആണ് കൊച്ചിയെ നിശബ്ദരാക്കി കൊണ്ട് ഒഡീഷയുടെ ഗോൾ വന്നത്. ഗൊഡാർഡിന്റെ പാസ് സ്വീകരിച്ച് മൗറീസിയോ ആണ് വല കുലുക്കിയത്.
അഞ്ച് മിനുട്ടുകൾ കഴിഞ്ഞ് നവോചയുടെ ഒരു ഹാൻഡ് ബോൾ ഒഡീഷയ്ക്ക് ഒരു പെനാൾട്ടി സമ്മാനിച്ചു. മൗറീസിയോ എടുത്ത പെനാൾട്ടി കിക്ക് തടഞ്ഞ് സച്ചിൻ കേരള ബ്ലാസ്റ്റേഴ്സിന്റെ രക്ഷയ്ക്ക് എത്തി. ആ പെനാൾട്ടിയും അതിനു പിന്നാലെയുള്ള ഷോട്ടും സച്ചിൻ തടഞ്ഞതു കൊണ്ടാണ് സ്കോർ 1-0ൽ നിന്നത്.
കേരള ബ്ലാസ്റ്റേഴ്സ് നല്ല അവസരം സൃഷ്ടിച്ചു എങ്കിലും അവസരം മുതലാക്കൊയില്ല. ഡെയ്സുകെയും പെപ്രയും നല്ല അവസരങ്ങൾ നഷ്ടപ്പെടുന്നത് കാണാൻ ആയി.
