കേരള ബ്ലാസ്റ്റേഴ്സിന്റെ പ്രീസീസൺ ടൂർ അവസാനിപ്പിച്ച് ഇന്ന് കൊച്ചിയിൽ തിരികെയെത്തും. അവസാന രണ്ട് ആഴ്ചയായി കേരള ബ്ലാസ്റ്റേഴ്സ് യു എ ഇയിൽ പര്യടനത്തിൽ ആയിരുന്നു. അവിടെ മൂന്ന് സന്നാഹ മത്സരങ്ങൾ കളിച്ചാണ് ബ്ലാസ്റ്റേഴ്സ് കൊച്ചിയിലേക്ക് മടങ്ങുന്നത്. ടീം ഇന്ന് ഉച്ചയ്ക്ക് ഇന്ത്യയിലേക്ക് വിമാനം കയറി. ഇനി ഒരാഴ്ചയിൽ താഴെ മാത്രമെ കേരള ബ്ലാസ്റ്റേഴ്സിന്റെ ഐ എസ് എല്ലിൽ ഉദ്ഘാടന മത്സരത്തിന് ഉള്ളൂ.
ടീം നാളെ മുതൽ ഇവാൻ വുകമാനോവിചിന്റെ കീഴിൽ പനമ്പിള്ളി നഗർ സ്റ്റേഡിയത്തിൽ പരിശീലനം നടത്തും. ആദ്യ മത്സരത്തിൽ ബ്ലാസ്റ്റേഴ്സിന് അവരുടെ പ്രധാന വൈരികളായ ബെംഗളൂരു എഫ് സിയെ ആണ് നേരിടേണ്ടത്.
യു എ ഇയിൽ മൂന്ന് മത്സരങ്ങൾ കളിച്ച ബ്ലാസ്റ്റേഴ്സ് മൂന്നിൽ രണ്ടു മത്സരങ്ങളും വിജയിച്ചിരുന്നു. അൽ ജസീറ അൽ ഹമ്രയെയും ഷാർജ എഫ് സിയെയും ആണ് കേരള ബ്ലാസ്റ്റേഴ്സ് തോല്പ്പിച്ചത്. ആദ്യ മത്സരത്തിൽ അൽ വസലിനോട് ആണ് പരാജയപ്പെട്ടത്.
