കേരള ബ്ലാസ്റ്റേഴ്സ് ആരാധകർക്ക് സന്തോഷ വാർത്ത. യുവതാരങ്ങളായ മുഹമ്മദ് ഷെഹീഫ് (20), മുഹമ്മദ് അസ്ഹർ (20), മുഹമ്മദ് ഐമൻ (20) എന്നിവർ കേരള ബ്ലാസ്റ്റേഴ്സിൽ പുതിയക്കരാർ ഒപ്പിവെച്ചു. മൂന്ന് യുവ പ്രതിഭകളും കരാർ 2026 വരെ നീട്ടിയതായി കേരള ബ്ലാസ്റ്റേഴ്സ് എഫ്സി അറിയിച്ചു.
കേരള ബ്ലാസ്റ്റേഴ്സ് ഡെവലപ്മെന്റ് ടീമിലെ സജീവ സാന്നിദ്ധ്യമാണ് മൂവരും.കഴിഞ്ഞ സീസണിൽ ഡ്യൂറൻഡ് കപ്പ്, ആർഎഫ് ഡെവലപ്മെന്റ് ലീഗ് തുടങ്ങിയ ടൂർണമെന്റുകളിൽ ഇവർ തിളങ്ങിയിരുന്നു. മുഹമ്മദ് ഐമനും മുഹമ്മദ് അസ്ഹറും ഇരട്ട സഹോദരങ്ങളാണ്. ആറാം ക്ലാസു മുതൽ ഇവർ ബ്ലാസ്റ്റേഴ്സിന് ഒപ്പം ഉണ്ട്. ഐമൻ ലെഫ്റ്റ് വിംഗർ ആണ്. സെൻട്രൽ മിഡ്ഫീൽഡറാണ് അസ്ഹർ.
വിങ് ബാക്കായ മുഹമംദ് ഷഹീഫ് കേരളത്തിന്റെ സന്തോഷ് ട്രോഫി കിരീട ടീമിന്റെ ഭാഗമായിരുന്നു. കോഴിക്കോട് നടന്ന സൂപ്പർ കപ്പിൽ കേരള ബ്ലാസ്റ്റേഴ്സിനായി സീനിയർ ടീമിൽ അരങ്ങേറ്റം നടത്തിയിരുന്നു.
