എവിടെ ചെന്നിട്ടും സന്ദേശ് ജിങ്കന്റെ നിർഭാഗ്യം ഒഴിയുന്നില്ല. ഒരു ഐ എസ് എൽ കിരീടം എന്ന ജിങ്കന്റെ സ്വപ്നത്തിനായി ഇനിയും കാത്തിരിക്കണം. ഇന്ന് പെനാൾട്ടി ഷൂട്ടൗട്ടിൽ ആണ് ജിങ്കന്റെ ബെംഗളൂരു എഫ് സി എ ടി കെ മോഹൻ ബഗാനു മുന്നിൽ ഫൈനലിൽ പരാജയപ്പെട്ടത്. ഇത് ജിങ്കൻ തോൽക്കുന്ന നാലാമത്തെ ഐ എസ് എൽ ഫൈനലാണ്.ബെംഗളൂരു എഫ് സിക്ക് ഒപ്പം ഒരു ഫൈനൽ, എ ടി കെയ്ക്ക് ഒപ്പം ഒരു ഫൈനൽ, ബ്ലാസ്റ്റേഴ്സിനൊപ് രണ്ട് ഫൈനൽ എന്നിങ്ങനെയാണ് ജിങ്കന്റെ ഫൈനലിലെ റെക്കോർഡ്.
രണ്ട് സീസൺ മുമ്പ് എ ടി കെ മോഹൻ ബഗാനിൽ ഇരിക്കെ ഐ എസ് എൽ ഫൈനലിൽ മുംബൈ സിറ്റിയോടും ജിങ്കൻ പരാജയപ്പെട്ടിരുന്നു. ഈ സീസണിലായിരുന്നു ജിങ്കൻ എ ടി കെ വിട്ട് ബെംഗളൂരുവിൽ എത്തിയത്. കിരീടവും മറ്റു വലിയ ലക്ഷ്യങ്ങളും ആണ് താരം ക്ലബ് വിട്ട് ക്ലബുകളിലേക്ക് മാറാം കാരണം. എന്നാൽ ജിങ്കന്റെ കിരീട മോഹം ഇത്തവണയും നടന്നില്ല. മുമ്പ് കേരള ബ്ലാസ്റ്റേഴ്സിനൊപ്പം കളിക്കവെ രണ്ട് തവണ ജിങ്കൻ ഐ എസ് എൽ ഫൈനലിൽ എത്തുകയും പരാജയപ്പെടുകയും ചെയ്തിരുന്നു.
