ഗുജറാത്ത് ജയന്റ്സ് നൽകിയ 189 റൺസ് വിജയലക്ഷ്യം നിഷ്പ്രയാസം മറികടന്ന് ആര്‍സിബി. സോഫി ഡിവൈനിന്റെ തകര്‍പ്പന്‍ ബാറ്റിംഗ് ആണ് മത്സരത്തിൽ അനായാസ വിജയം നേടുവാന്‍ റോയൽ ചലഞ്ചേഴ്സ് ബാംഗ്ലൂരിനെ സഹായിച്ചത്.
സ്മൃതി മന്ഥാനയോടൊപ്പം സോഫി അടിച്ച് തകര്‍ത്തപ്പോള്‍ 9.2 ഓവറിൽ ഈ കൂട്ടുകെട്ട് 125 റൺസാണ് നേടിയത്. ഇതിൽ 37 റൺസായിരുന്നു സ്മൃതിയുടെ സംഭാവന. 36 പന്തിൽ 8 സിക്സും 9 ഫോറും അടക്കം 99 റൺസ് നേടിയ സോഫി പുറത്താകുമ്പോള്‍ ആര്‍സിബി 11.5 ഓവറിൽ 157 റൺസ് നേടിയിരുന്നു.
ഹീത്തര്‍ നൈറ്റഅ 22 റൺസും എൽസെ പെറി 19 റൺസും നേടി 32 റൺസിന്റെ അപരാജിത കൂട്ടുകെട്ട് നേടിയപ്പോള്‍ ലക്ഷ്യം 15.3 ഓവറിലാണ് 2 വിക്കറ്റ് നഷ്ടത്തിൽ ആര്‍സിബി നേടിയത്.
