സെമി പ്രതീക്ഷകൾക്ക് ആയി വിജയം വേണം, എഫ് സി ഗോവയും ഒഡീഷയും ഇറങ്ങുന്നു

Img 20220201 012411

ചൊവ്വാഴ്ച ഗോവയിലെ അത്‌ലറ്റിക് സ്റ്റേഡിയത്തിൽ നടക്കുന്ന മത്സരത്തിൽ എഫ്‌സി ഗോവ ഒഡീഷ എഫ്‌സിയുമായി ഏറ്റുമുട്ടും, ഇരു ടീമുകളും സെമി ഫൈനൽ പ്രതീക്ഷകൾ സജീവമാക്കാൻ നോക്കുന്നതിനാൽ വിജയം അത്യാവശ്യമാണ്. പ്രകടനം മോശമായതിനാൽ ഇരു ടീമുകളുടെയു. സെമി ഫൈനൽ പ്രതീക്ഷകൾ മങ്ങി തുടങ്ങിയിട്ടുണ്ട്. അതു കൊണ്ട് തന്നെ ഇന്ന് 3 പോയിന്റ് തന്നെയാകും ഇരു ടീമുകളുടെയും ലക്ഷ്യം.

ഗോവക്ക് അവരുടെ അവസാന നാല് മത്സരങ്ങളും വിജയിക്കാനായിട്ടില്ല, കൂടാതെ 14 മത്സരങ്ങളിൽ നിന്ന് മൂന്ന് വിജയങ്ങൾ മാത്രമാണ് നേടാൻ സാധിച്ചത്. 14 പോയിന്റുമായി അവർ ലീഗ് പട്ടികയിൽ ഒമ്പതാം സ്ഥാനത്താണ്. ഒഡീഷ 17 പോയിന്റുമായി എട്ടാമതും നിൽക്കുന്നു. ഇതുവരെ അഞ്ചു തവണ ഇരു ടീമുകളും ഐ എസ് എല്ലിൽ നേർക്കുനേർ വന്നപ്പോൾ നാലിലും ഗോവ ആണ് ജയിച്ചത്. ഒരു കളി സമനില ആവുകയും ചെയ്തു.