മുംബൈ സിറ്റി പരിശീലകൻ ദസ് ബക്കിങ്ഹാമിന് പുതിയ കരാർ. 2025വരെയുള്ള കരാർ ആണ് ക്ലബ് പരിശീലകന് നൽകിയത്‌. ഈ സീസണിൽ ഇതുവരെ മുംബൈ സിറ്റിയെ ലീഗിൽ ഒന്നാം സ്ഥാനത്ത് നിർത്താൻ ബക്കിങ്ഹാമിനായിട്ടുണ്ട്. ഇപ്പോൾ ഷീൽഡ് കിരീടം നേടാൻ ഫേവറിറ്റ്സും മുംബൈ സിറ്റി തന്നെയാണ്. അവർ ഈ സീസണിൽ ഒരു മത്സരം പോലും പരാജയപ്പെട്ടിട്ടില്ല. 12 മത്സരങ്ങളിൽ 30 പോയിന്റുമായി ഒന്നാം സ്ഥാനത്താണ് അവർ ഉള്ളത്‌.
2021ൽ ലൊബേര മുംബൈ സിറ്റി വിട്ടപ്പോൾ ആയിരുന്നു ബക്കിങ്ഹാം ചുമതലയേറ്റത്‌. അദ്ദേഹത്തിന് മുംബൈയിലെ ആദ്യ സീസൺ അത്ര മികച്ചതായിരുന്നില്ല. എങ്കിലും ആ കുറവെല്ലാം അദ്ദേഹം ഈ സീസണിൽ പരിഹരിക്കുകയാണ്. സിറ്റി ഗ്രൂപ്പ് ഉടമസ്ഥതയിലുള്ള A-ലീഗ് ചാമ്പ്യന്മാരായ മെൽബൺ സിറ്റി FC യിൽ നിന്നായിരുന്നു ഡെസ് ബക്കിംഗ്ഹാം ഇന്ത്യയിലേക്ക് എത്തിയത്
