ഇന്ന് ഇന്ത്യൻ സൂപ്പർ ലീഗിലെ ലീഗ് ഘട്ടത്തിലെ അവസാന മത്സരത്തിൽ ഹൈദരാബാദ് എഫ്സിയെ നേരിടുന്ന കേരള ബ്ലാസ്റ്റേഴ്സ് ആദ്യപകുതിയിൽ ഒരു ഗോളിന് മുന്നിൽ നിൽക്കുന്നു. ഇന്ന് മികച്ച രീതിയിൽ ആദ്യ പകുതിയുൽ കളിച്ച കേരള ബ്ലാസ്റ്റേഴ്സ് മുഹമ്മദ് ഐമന്റെ ഗോളിലാണ് ലീഡ് എടുത്തത്.
മത്സരത്തിന്റെ 34ആം മിനിറ്റിൽ ആയിരുന്നു ഗോൾ. വലതു വിങ്ങിൽ നിന്ന് സൗരവ് നൽകിയ ഒരു ക്രോസ് നല്ല ഹെഡ്ഡറിലൂടെ മുഹമ്മദ് ഐമൻ വലയിലാക്കുകയായിരുന്നു. ഐമന്റെ കേരള ബ്ലാസ്റ്റേഴ്സിന് ഉള്ള ആദ്യ ഇന്ത്യൻ സൂപ്പർ ലീഗ് ഗോളാണ് ഇത്. ഈ ഗോളിന് ശേഷം ഇഷാൻ പണ്ടിതയ്ക്ക് രണ്ട് നല്ല അവസരം ലഭിച്ചു. രണ്ടും ഗോളാവാത്തത് കൊണ്ട് സ്കോർ 1-0ൽ നിന്നു.
