റെയിൽവേ എഫ് സി ഐ എഫ് എ ഷീൽഡ് സെമി ഫൈനലിൽ

റെയിൽവേ എഫ് സി ഐ എഫ് എ ഷീൽഡിന്റെ സെമി ഫൈനലിലേക്ക് മുന്നേറി. ഇന്ന് കൊൽക്കത്തയിൽ നടന്ന ക്വാർട്ടർ ഫൈനലിൽ കൊൽക്കത്തൻ ക്ലബായ ആര്യനെ ആണ് റെയിൽവേ പരാജയപ്പെടുത്തിയത്. എതിരില്ലാത്ത മൂന്നു ഗോളുകൾക്കായിരുന്നു റെയിൽവേസിന്റെ വിജയം. റെയിൽവേക്ക് ആയി തന്മോയ് ദാസ് ഇരട്ട ഗോളുകൾ നേടി വിജയ ശില്പി ആയി. 40ആം മിനുട്ടിലും 50ആം മിനുട്ടിലും ആയിരുന്നു തന്മോയ് ദാസിന്റെ ഗോളുകൾ. റെയിൽവേക്ക് മൊനൊതൊഷ് മജി 11ആം മിനുട്ടിൽ ലീഡ് നൽകിയിരുന്നു.

ഇനി സെമി ഫൈനലിൽ ഐ ലീഗ് ക്ലബായ ശ്രീനിധി ആയിരിക്കും റെയിൽവേ എഫ് സിയുടെ എതിരാളികൾ.