Category: I League

ക്രോമ പോയ ഒഴിവിലേക്ക് മോഹൻ ബഗാൻ കൊണ്ടുവരുന്നത് റാന്റി മാർട്ടിൻസിനെ അല്ല. പകരം ലെബനീസിൽ നിന്നും അക്രം മൊഗ്റാബിയാണ് ബഗാന്റെ ജേഴ്സിയിലേക്ക് എത്തുന്നത്. അക്രമുമായി മോഹൻ ബഗാൻ കരാർ ഒപ്പുവെച്ചതായാണ് അവസാന വിവരങ്ങൾ.

നെജ്മെഹെ ക്ലബിലായിരുന്നു താരം അവസാന സീസണിൽ കളിച്ചത്. അവസാന സീസണിൽ 26 മത്സരങ്ങളിൽ നിന്നായി 16 ഗോളുകൾ അടിച്ചിരുന്നു. കഴിഞ്ഞ സീസണിൽ ലെബനീസ് ലീഗിലെ ടോപ്പ് സ്കോററുമാണ് അക്രം. മുമ്പ് ഐ ലീഗിൽ ഒരു സീസൺ കളിച്ചിട്ടുണ്ട് അക്രം. 2012-12 സീസണിൽ ചർച്ചിൽ ബ്രദേഴ്സ് ജേഴ്സിയിലായിരുന്നു അക്രമുന്റെ ഇന്ത്യയിലെ ആദ്യ വരവ്.

അന്ന് ചർച്ചിലിനു വേണ്ടി അക്രം മികച്ചു നിന്നിരുന്നു. ഐ ലീഗിൽ ഒരു ഹാട്രിക്കും അക്രം നേടിയിട്ടുണ്ട്. അടുത്ത മത്സരത്തിന് മുമ്പ് തന്നെ അക്രം ടീമിനൊപ്പം ചേരുമെന്നാണ് പ്രതീക്ഷിക്കുന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial

മോഹൻ ബഗാനിലെ അഴിച്ചുപണികൾ തുടരുന്നു. കോച്ച് മാറിയിട്ടും ടീമിന് മാറ്റമില്ലാത്തത് കൊണ്ട് ബഗാന്റെ ഒന്നാം സ്ട്രൈക്കറായ ക്രോമയെ തന്നെ ടീമിൽ നിന്ന് റിലീസ് ചെയ്തിരിക്കുകയാണ് മോഹൻ ബഗാൻ. കഴിഞ്ഞ മത്സരത്തിൽ മിനേർവക്കെതിരെ ക്രോമ നടത്തിയ മോശം പ്രകടനമാണ് പെട്ടെന്ന് തന്നെയുള്ള ഈ പുറത്താക്കലിന് പിറകിൽ.

കൊൽക്കത്ത ലീഗിൽ ബഗാനു വേണ്ടി മിന്നും പ്രകടനം കാഴ്ചവെച്ച ക്രോമയ്ക്ക് എന്നാൽ ആ പ്രകടനം ഐ ലീഗിക് ആവർത്തിക്കാൻ കഴിഞ്ഞില്ല. കഴിഞ്ഞ മത്സരത്തിൽ മിനേർവയ്ക്കെതിരെ ഒരു പെനാൽട്ടി നഷ്ടപ്പെടുത്തുകയും ചെയ്തിരുന്നു ക്രോമ.

ക്രോമയ്ക്ക് പകരം ബഗാൻ എത്തിക്കുന്നത് ഇന്ത്യൻ ഫുട്ബോളിന് പരിചയമുള്ള മുഖമാണ്‌. ഐ ലീഗിൽ ഒരു കാലത്ത് താണ്ഡവം നടത്തിയ റാന്റി മാർട്ടിൻസാണ് മോഹൻ ബഗാന്റെ സ്ട്രൈക്കർ വേഷത്തിൽ എത്തുന്നത്. തന്റെ മികച്ച കാലം കഴിഞ്ഞ റാന്റി എങ്ങനെ ടീമിന് ഉപകാരപ്പെടും എന്ന് ബഗാൻ ആരാധകർക്ക് ആശങ്ക ഉണ്ടെങ്കിലും ബഗാൻ മാനേജ്മെന്റ് റാന്റിയെ ടീമിലേത്തിക്കാൻ ഉറപ്പിച്ചിരിക്കുകയാണ്.

നേരത്തെ ഗോകുലം എഫ് സി മുൻ ഐ ലീഗ് സ്റ്റാർ ഒഡാഫയേയും ഈ ട്രാൻസഫർ വിൻഡോയിൽ ടീമിൽ എത്തിച്ചിരുന്നു. ഐലീഗിന്റെ പ്രതാപത്തെ രണ്ട് താരങ്ങളും വീണ്ടും അങ്ങനെ ഐ ലീഗി എത്തിയിരിക്കുകയാണ്.

കൂടുതൽ കായിക വാർത്തകൾക്ക് : www.facebook.com/FanportOfficial

ഭൂട്ടാൻ ദേശീയ ടീമിലെ താരങ്ങളെ ടീമിലെത്തിക്കാൻ മിനേർവ എഫ്‌സി. തിമ്പു സിറ്റി ക്ലബിലെ കളിക്കാരനായ ജിഗ്മെ ത്ഷെറിങ് ഡോർജി, നിമാ വാങ്‌ടി എന്നീ താരണങ്ങളെയാണ് മിനേർവ ട്രയൽസിനായി ക്ഷണിച്ചിരിക്കുന്നത്. ഭൂട്ടാൻ സെൻസേഷൻ ചെഞ്ചോ നിലവിൽ മിനേർവയിൽ കളിക്കുന്നുണ്ട്, മികച്ച ഫോമിലുള്ള ചെഞ്ചൊയുടെ മികവിൽ നിലവിൽ ഐലീഗിൽ ഒന്നാമതാണ് മിനേർവ. ചെഞ്ചൊയുടെ മികച്ച ഫോം തന്നെയാണ് മിനേർവ മാനേജ്‌മെന്റിനെ വീണ്ടും ഭൂട്ടാൻ താരങ്ങളിലേക്ക് ശ്രദ്ധ തിരിപ്പിച്ചത് .

നിലവിൽ 6 വിദേശ കളിക്കാരെ മാത്രമേ ഐലീഗ് നിയമപ്രകാരം ഒരു ടീമിൽ ഉൾപ്പെടുത്താൻ കഴിയു. ഒരു ജാപ്പനീസ് താരം ഈ മാസം അവസാനത്തോടെ ടീം വിടുന്നതിനാൽ ഒഴിവു വരുന്ന സ്ഥാനത്തേക്കാണ് ഭൂട്ടാൻ താരങ്ങളെ മിനേർവ ക്ഷണിച്ചിരിക്കുന്നത്. എന്തായാലും രണ്ടിൽ ഒരു താരത്തിന് മാത്രമേ ടീമിൽ ഇടം നേടാൻ കഴിയു.

കൂടുതൽ കായിക വാർത്തകൾക്ക് : www.facebook.com/FanportOfficial

മോഹൻ ബഗാനെ കൊൽക്കത്തയിൽ ചെന്ന് തകർത്ത് മിനേർവ പഞ്ചാബ്. പുതിയ പരിശീലകൻ ടീമിന്റെ വിധി മാറ്റും എന്ന് പ്രതീക്ഷിച്ച് ഇറങ്ങിയ മോഹൻ ബഗാൻ ഒന്നിനെതിരെ രണ്ട് ഗോളിന്റെ പരാജയമാണ് ഏറ്റുവാങ്ങേണ്ടി വന്നത്. ജയത്തോടെ മിനേർവ ഐ ലീഗിന്റെ ഒന്നാം സ്ഥാനത്തേക്ക് കുതിക്കുകയും ചെയ്തു.

ഭൂട്ടാൻ സ്ട്രൈക്കർ ചെഞ്ചോ തന്നെയാണ് ഇത്തവണയും മിനേർവയുടെ തുറുപ്പ് ചീട്ടായത്. ആദ്യ പകുതിയിൽ ചെഞ്ചോ നേടിയ രണ്ടു ഗോളുകളാണ് ബഗാന്റെ വിധി എഴുതിയത്. 37ആം മിനുട്ടിൽ കളിയിലേക്ക് തിരിച്ചുവരാൻ പെനാൾട്ടിയിലൂടെ ബഗാന് ഒരവസരം കിട്ടിയിരുന്നു എങ്കിലും ക്രോമയ്ക്ക് പെനാൾട്ടി വലയിൽ എത്തിക്കാൻ ആയില്ല.

കളിയുടെ അവസാന നിമിഷമാണ് ബഗാൻ ഗോൾ കണ്ടെത്തിയത്. കിംഗ്സ് ലീയാണ് ബഗാന്റെ ഗോൾ നേടിയത്. 9 കളികളിൽ നിന്ന് 13 പോയന്റുള്ള ബഗാൻ ഇപ്പോൾ അഞ്ചാം സ്ഥാനത്താണ്. 8 കളികളിൽ നിന്ന് 19 പോയന്റാണ് ഒന്നാമതുള്ള മിനേർവയ്ക്ക് ഉള്ളത്.

കൂടുതൽ കായിക വാർത്തകൾക്ക് : www.facebook.com/FanportOfficial

ഇന്ത്യൻ U17 താരം ജിതേന്ദ്ര സിങ് ഫിഫയുടെ റെക്കോർഡ്സിൽ ഇടംനേടി. ഇന്ത്യൻ ആരോസിന്റെ പ്രതിരോധതാരമായ ജിതേന്ദ്ര സിങാണ് നിലവിൽ ഐ ലീഗിലെ പ്രായം കുറഞ്ഞ ഗോൾ സ്കോറർ. 16 കാരനായ ജിതേന്ദ്ര സിങ് ഫിഫയുടെ ദി വീക്ക് ഇൻ നമ്പേഴ്സ് എന്ന സെഗ്മെന്റിലാണ് സ്ഥാനം പിടിച്ച് പറ്റിയത്. ഇന്ത്യയിൽ നടന്ന U17 ലോക കപ്പിലെ ഇന്ത്യൻ ടീമിൽ അംഗമായിരുന്നു ജിതേന്ദ്ര സിങ്.

ഫിഫയുടെ വീക്ലി സെഗ്മെന്റിൽ ഫുട്ബോൾ ലോകത്ത് നടക്കുന്ന പ്രധാന സംഭവങ്ങൾ ആണ് ഉൾപ്പെടുത്തുക. ആഫ്രിക്കൻ പ്ലെയർ ഓഫ് ദി ഇയർ ആയി തിരഞ്ഞെടുത്ത മൊഹമ്മദ് സലായും ഫിഫയുടെ സെഗ്മെന്റിൽ ഇടം പിടിച്ചിട്ടുണ്ട്. മുൻപ് ബാവോറിംഗ്ദാവോ ബോഡോയുടെ പേരിലാണ് ഐ ലീഗിലെ ഏറ്റവും പ്രായം കുറഞ്ഞ ഗോൾ സ്കോറർ എന്ന റെക്കോർഡ് ഉണ്ടായിരുന്നത്. കഴിഞ്ഞ സീസണിൽ ഷില്ലോങ്ങിനെതിരെയായിരുന്നു അദ്ദേഹം ഗോൾ നേടിയത്. തിങ്കളാഴ്ച ഷില്ലോങ്ങ് ലജോങ്ങിനെതിരെയാണ് ഇന്ത്യൻ ആരോസിന്റെ അടുത്ത മത്സരം.

കൂടുതൽ കായിക വാർത്തകൾക്ക് : www.facebook.com/FanportOfficial

ഗോകുലം എഫ് സി കേരളയുടെ നിരയിലേക്ക് പുതിയ ഒരുതാരം കൂടെ. സെന്റർ ബാക്കായ ബൽവീന്ദർ സിംഗാണ് ജനുവരി ട്രാൻസ്ഫർ വിൻഡോയിലൂടെ ഗോകുലത്തിൽ എത്തിയിരിക്കുന്നത്. ഡിഫൻസിൽ ബൽവീന്ദറിന്റെ വരവ് ഗോകുലത്തിന് കരുത്താകും.

മുമ്പ് സാൽഗോക്കറിന് വേണ്ടി താരം ബൂട്ടുകെട്ടിയിട്ടുണ്ട്. അവസാനമായ വിവാ ചെന്നൈയിലായിരുന്നു താരം കളിച്ചത്. പഞ്ചാബ് ലുധിയാന സ്വദേശിയാണ് ബൽവീന്ദർ. സാൽഗോക്കറിന്റെ കൂടെ ഗോവൻ പ്രീമിയർ ലീഗ് കിരീടം നേടിയിട്ടുണ്ട്.

കൂടുതൽ കായിക വാർത്തകൾക്ക് : www.facebook.com/FanportOfficial

സഞ്ജോയ് സെൻ രാജിവെച്ച അടുത്ത ദിവസം തന്നെ മോഹൻ ബഗാൻ പകരക്കാരനെ കണ്ടെത്തി. മാധ്യമങ്ങളെല്ലാം ആഷ്ലി വെസ്റ്റ് വൂഡിനേയും മറ്റു വലിയ പേരുകൾക്കും പിറകെ പോയപ്പോൾ ക്ലബിന് അകത്തു തന്നെയുള്ള ശങ്കർലാൽ ചക്രബർത്തിയെ ആണ് ബഗാൻ പുതിയ കോച്ചായി നിയമിച്ചത്.

മുൻ കോച്ചായ സഞ്ജോയ് സെന്നിന്റെ കീഴിൽ അസിസ്റ്റന്റ് കോച്ചായിരുന്നു ശങ്കർലാൽ. മുമ്പ് ഐ എഫ് എ അക്കാദമയിടേയും മോഹൻ ബഗാൻ സ്കൂളിന്റേയും പരിശീലകനായിട്ടുണ്ട്‌. പഴയ ഈസ്റ്റ് ബംഗാൾ താരം കൂടിയാണ് ശങ്കർലാൽ.

കൂടുതൽ കായിക വാർത്തകൾക്ക് : www.facebook.com/FanportOfficial