ആദ്യ സീസണിൽ തന്നെ ഐ ലീഗ് കിരീടം ലക്ഷ്യമിടുന്ന നെരോക്ക എഫ് സിയുടെ കിരീട പോരാട്ടത്തിന് തിരിച്ചടി. ഇന്ന് സ്വന്തം നാട്ടിൽ ഷില്ലോങ്ങ് ലജോങ്ങിനെ നേരിട്ട നെരോക്ക എതിരില്ലാത്ത രണ്ടു ഗോളുകളുടെ അപ്രതീക്ഷിത തോൽവി ഏറ്റുവാങ്ങി. കളിയുടെ തുടക്കത്തിക് തന്നെ വീണ രണ്ടു ഗോളുകൾക്കാണ് നെരോക്കയ്ക്ക് വിനയായത്.
13ആം മിനുട്ടിൽ ജിഗ്നയും 18ആം മിനുട്ടിൽ കോഫിയുമാണ് ഷില്ലോങ് ലജോങ്ങിന്റെ ഗോളുകൾ നേടിയത്‌. ഇന്ന് ജയിച്ചിരുന്നു എങ്കിൽ ലീഗിൽ ഒന്നാം സ്ഥാനത്തേക്ക് നരോക്ക എത്തുമായിരുന്നു. ഇന്നത്തെ പരാജയത്തോടെ 10 കളികളിൽ 21 പോയന്റാണ് നെരോക്കയ്ക്ക് ഉള്ളത്. 9 മത്സരങ്ങളിൽ 22 പോയന്റുള്ള മിനേർവ പഞ്ചാബ് ആണ് ഇപ്പോൾ ഒന്നാമതുള്ളത്.
കൂടുതൽ കായിക വാർത്തകൾക്ക് : www.facebook.com/FanportOfficial
