ഒലിവിയർ ജിറൂദ് എ സി മിലനിൽ തുടരും. ഇന്നലെ ചാമ്പ്യൻസ് ലീഗിൽ എ സി മിലാന്റെ സെനി ഫൈനൽ ഉറപ്പിച്ച ഗോൾ നേടിയ ജിറൂദ് ഇതിനകം തന്നെ മിലാനിൽ പുതിയ കരാർ ഒപ്പുവെച്ചതായൊ ഫബ്രിസിയോ റിപ്പോർട്ട് ചെയ്യുന്നു. ഇന്ന് ഇതു സംബന്ധിച്ച ഔദ്യോഗിക പ്രഖ്യാപനം മിലാൻ നടത്തും. നിലവിലെ ജിറൂദിന്റെ കരാർ മൂന്ന് മാസത്തിനുള്ളിൽ അവസാനിക്കാൻ ഇരിക്കുകയാണ്‌. 2024 സമ്മർ വരെയാകും പുതിയ കരാർ.
ജനുവരി ട്രാൻസ്ഫർ വിൻഡോയിൽ എവർട്ടണിൽ നിന്നുള്ള 10 മില്യന്റെ ഓഫർ 36-കാരൻ നിരസിച്ചാണ് ജിറൂദ് മിലാനിൽ തുടരുന്നത്. രണ്ട് വർഷം മുമ്പ് മിലാനിൽ എത്തിയ താരം ഇതിനകം എ സി മിലാനൊപ്പം ഇറ്റാലിയൻ ലീഗ് സ്വന്തമാക്കിയിട്ടുണ്ട്. മുമ്പ് ചെൽസിക്കായും ആഴ്സണലിനായും കളിച്ചിട്ടുള്ള താരമാണ് ജിറൂദ്.
